قازاق تەليەۆيزياسىنا - 65 جىل.
وسى ايتۋلى داتاعا وراي سالادا تالاي جىل تەر توككەن ارداگەرلەر ماراپاتتالدى، دەپ حابارلايدى Almaty-akshamy.kz Qazaqstan.tv سايتىنا سىلتەمە جاساپ.
وتاندىق تەليەۆيزيا مەكتەبىنىڭ قالىپتاسۋىنا اتسالىسقان ازاماتتار كەۋدەسىنە «ەڭبەك ارداگەرى» مەدالىن تاقتى. سونىمەن بىرگە «قازاق تەليەۆيزياسىنا 65 جىل» مەرەيتويلىق مەدالى دە تابىستالدى. «Qazaqstan» تەلەارناسىندا ءقازىر قىزمەت ەتىپ جۇرگەن ءبىرقاتار مامان «اقپارات سالاسىنىڭ ۇزدىگى» اتاندى. تەليەۆيزيا ارداگەرلەرى ۇلتتىق ارنانىڭ ستۋديالارىن ارالاپ، اۋىر كامەرا مەن سىمدى ميكروفوننىڭ ورنىنا كەلگەن سان قىرلى تەحنيكانىڭ مۇمكىندىگىمەن تانىستى.
«ۇلتتىق ارنا – قازاق تەليەۆيدەنيەسىنىڭ ۇلاعاتتى ۇستاحاناسى، قۇتتى قارا شاڭىراعى. وسىدان 65 جىل بۇرىن كورەرمەنگە جول تارتقان تەلەارنا ءبىزدىڭ ۇلتتىق رۋحىمىزعا قىزمەت ەتتى. 2:00 ۇلتتىق ارنانى تەلەارنانىڭ ەپوپەياسى دەپ ايتۋعا بولادى. وندا ءارقايسىسىڭىزدىڭ قولتاڭباڭىز بار»، - دەدى ق ر اقپارات جانە قوعامدىق دامۋ ءمينيسترى دارحان ءقىدىرالى.
«مەنىڭ ۇلتتىق ارنام بۇعان دەيىن دە كورەرمەندى ريزا ەتىپ كەلگەن ءارى قاراي دا سۇيىسپەنشىلىگىنە بولەنە بەرسىن. ۇلتتىق ارنامنىڭ ۇلاعاتى وسە بەرسىن»، - دەدى قازاق تەليەۆيزياسىنىڭ ارداگەرى گۇلماريا بارمانبەكوۆا.