ءبىر جىلدا قويدىڭ ەتى قاتتى قىمباتتاعان

قازاقستاندا ەتتىڭ ورتاشا باعاسى كوتەرىلگەن

بيىل سەگىز ايدىڭ ىشىندە ەتتىڭ ورتاشا باعاسى 7،4 پايىزعا كوتەرىلدى. سونىڭ سالدارىنان ەت ساتىپ الۋ كولەمى ازايىپ وتىر، دەپ حابارلايدى Almaty-akshamy.kz

ءبىر جىلدىڭ ىشىندە قويدىڭ ەتى قاتتى قىمباتتاپ كەتكەن. ونىڭ باعاسى بىردەن 14،9 پايىزعا كوتەرىلدى. ودان كەيىن جىلقى ەتى – 9،4 پايىزعا، سيىر ەتى - 7،8 پايىزعا، شوشقا ەتى - 7،4 پايىزعا، ال قۇس ەتى 3،2 پايىزعا قىمباتتادى.

«تامىز ايىندا دۇكەندەر مەن بازارلاردا سۇيەگى بار سيىر ەتىنىڭ ورتاشا باعاسى 2 200 تەڭگە بولعان. ال جىلقى ەتى 2 500 تەڭگەدەن ساتىلدى. قوي ەتى – 2 400 تەڭگە، ال تاۋىق ەتىنىڭ ءبىر كەلىسى 1 020 تەڭگەگە ساۋدالاندى»، – دەلىنگەن اقپاراتتا.

بيىل قاڭتار-تامىز ايلارىندا ەت ءوندىرۋ كولەمى 43 مىڭ توننانى قۇرادى. ول وتكەن جىلمەن سالىستىرعاندا 4،6 پايىزعا تومەن. ال قۇس ەتىنىڭ ءوندىرىسى، كەرىسىنشە، 4،3 پايىزعا ءوسىپ، 71،6 تونناعا جەتكەن.

ەتتىڭ باعاسى كوتەرىلگەن سايىن، ونى ساتىپ الۋ كولەمى ازايىپ كەلەدى. ماسەلەن، جارتى جىلدىڭ ىشىندە ادام باسىنا شاققاندا، قوي ەتىن تۇتىنۋ كورسەتكىشى بىردەن 10،6 پايىزعا تومەندەپ، 2،5 كەلىگە تۇسكەن.

وسىلايشا، قازاقستاندىقتار قوي ەتىن از تۇتىنا باستادى. سول سياقتى تاۋىق، جىلقى مەن شوشقا ەتىن تۇتىنۋ كورسەتكىشى 2،7-4،4 پايىزعا ازايىپ وتىر.

ال سيىر ەتىن ساتىپ الۋ كولەمى 0،9 پايىزعا ارتتى. بۇگىندە ءاربىر قازاقستاندىق 11،8 كەلى سيىر ەتىن ساتىپ الادى.