قايتالاما تۇرعىن ءۇي نارىعىنا يپوتەكالىق ءوتىنىم قابىلداۋدى ۋاقىتشا توقتاتقان بانكتەر قاتارىندا Halyk Bank، بانك سەنتركرەديت جانە Freedom Bank Kazakhstan بار، دەپ حابارلايدى aqshamnews.kz Krisha.kz-كە سىلتەمە جاساپ.
اتالعان قارجى ۇيىمدارىندا ءقازىر تەك باستاپقى تۇرعىن ۇيگە يپوتەكا بەرىلەدى. الايدا بۇل بارلىق قۇرىلىس كومپانيالارىمەن ەمەس، تەك جىلدىق ءتيىمدى سىياقى مولشەرلەمەسى (جتسم) 20%-دان اسپايتىن سەرىكتەس-قۇرىلىس كومپانيالار بويىنشا عانا ىسكە اسىرىلادى.
بانكتەر بۇل شەكتەۋدىڭ قاشان جانە قانداي شارتتارمەن جويىلاتىنىن كەيىن ناقتىلايتىنىن حابارلاعان.
2025 جىلى 16 ماۋسىمنان باستاپ تۇرعىن ءۇي نەسيەلەرى بويىنشا جىلدىق ءتيىمدى سىياقى مولشەرلەمەسى (جتسم) 25%-دان 20%-عا دەيىن تومەندەتىلدى. بۇل وزگەرىس ق ر قارجى نارىعىن رەتتەۋ جانە دامىتۋ اگەنتتىگى مەن ۇلتتىق بانكتىڭ بىرلەسكەن قاۋلىسىنا سايكەس كۇشىنە ەندى.
بۇعان دەيىن قازاقستاندا ەكىنشى دەڭگەيلى بانكتەر ءۇشىن تۇرعىن ءۇي جيناق نارىعىن اشۋ ۇسىنىلعان بولاتىن.