ءبىزدىڭ كەڭ بايتاق قازاقستانىمىز ءوزىنىڭ باي تاريحىمەن، ءتول مادەنيەتىمەن ايگىلى. ەلىمىزدە 130-دان استام ۇلت وكىلدەرى ءتاتۋ-تاتتى ءومىر ءسۇرىپ كەلەدى. ولاردىڭ بارلىعى ءبىرتۇتاس حالىقتىڭ – قازاقستاندىقتاردىڭ وكىلى جانە ورتاق ءۇيىمىز – قازاقستاننىڭ دامۋى مەن گۇلدەنۋىنە ولشەۋسىز ۇلەستەرىن قوسۋدا.
كوپشىلىگىمىز بالا كەزىمىزدەن ءپاتريوتيزمنىڭ وتە ماڭىزدى جانە قىمبات ۇعىم ەكەنىن بەس ساۋساعىمىزداي بىلەمىز. باسقاشا ايتقاندا، بۇل – ءوز ءومىرىن قۇربان ەتۋگە دايىن بولۋدان كورىنەتىن وتانعا دەگەن ەرەكشە سۇيىسپەنشىلىك پەن قۇرمەت سەزىمى.
مەملەكەتىمىزدى قاي تۇسىنان الساڭ دا وتە باي. شىنداپ كەلگەندە، وزگە حالىقتا تاپشى بولعان مۇناي قورى بىزدە باستاۋىن تابادى، وسىلايشا قازاقستان الەم بويىنشا مۇناي قورىنان 9-ورىندى يەلەنگەن. كومىر قورى 8-ورىن بولسا، ۋران ارقىلى 2ء-شى ورىندى دا ءبىز يەمدەنەمىز. ەلىمىزدىڭ سوڭعى ءارى ماڭىزدى اقپاراتى بويىنشا حالقىمىزدىڭ سانى 20 ملن-عا جەتتى. مەنىڭشە، بۇل كورسەتكىش ءالى تەك باستاماسى. سەبەبى، بىزدەي حالىقتىڭ تىرەگى مەن جاناشىرلارى، ەلىنىڭ بولاشاعىنا ۋايىمدايتىن قوعام تۇرعاندا سارى ۋايىمعا سالىنۋ ورىنسىز دەپ بىلەمىن.
بۇل تۋرالى مەملەكەت باسشىسى قاسىم-جومارت توقايەۆ قازاقستان حالقى اسسامبلەياسى كەڭەسىنىڭ كەڭەيتىلگەن وتىرىسىندا وتە ءدال ايتتى: «مۇنداي مىسالدار حالىقتار دوستىعىنىڭ، بەلسەندى ازاماتتىق ءپاتريوتيزمنىڭ جانە ءتۇرلى ەتنوستار وكىلدەرىنىڭ قازاقستانعا دەگەن سۇيىسپەنشىلىگىنىڭ مىسالدارى بولىپ تابىلادى. ەلىمىزدىڭ ءبىلىم بەرۋ، مادەني، اقپاراتتىق ساياساتىندا، سونىمەن قاتار، ونوماستيكادا دا كورىنىس تابۋى ءتيىس».
تاعى ءبىر ايتا كەتەتىن جايت، قازاقستان رەسپۋبليكاسىنىڭ پرەزيدەنتى ازاماتتارعا، اسىرەسە جاستارعا تاۋەلسىزدىكتىڭ جاي سىي ەمەس، اتا-بابالارىمىزدىڭ ۇزدىكسىز كۇرەسى ەكەنىن ۇندەدى. «بۇل قازاقستاننىڭ دامۋىنىڭ 30 جىلى عانا ەمەس. تاۋەلسىزدىكتىڭ قادىر-قاسيەتى وتانعا ايانباي قىزمەت ەتۋ ارقىلى ايقىندالعان مەملەكەتىمىزدىڭ دامۋ تاريحى 1991 جىلدان الدەقايدا بۇرىن باستالدى. اتاپ ايتقاندا، الاش-وردا قوزعالىسىنىڭ جانە تاريحىمىزدىڭ باسقا دا قيىن دا داڭقتى ساتتەرى پريزماسى ارقىلى قاراستىرىلادى. بۇل حالقىمىزدىڭ بۇكىل تاعدىرى».
وسى رەتتە بۇل تاقىرىپتى كوركەم فيلمدەر مەن بالالار ادەبيەتى ارقىلى تەرەڭدەتىپ، وسكەلەڭ ۇرپاقتىڭ بويىندا اتا-بابالارىمىزدىڭ ەل تاۋەلسىزدىگى جولىندا نەدەن وتكەنى تۋرالى تۇسىنىك پەن سانانى قالىپتاستىرۋ قاجەت.