الماتىنىڭ يندۋستريالىق ايماعى تۇراقتى دامۋ باعىتىندا ماڭىزدى قادام جاسادى. كومپانيا 2023 جىلعى 4 جەلتوقساننان باستاپ (UN Global Compact) تولىققاندى قاتىسۋشى بولىپ، قازاقستاندا اۋقىمدى باستاماعا قوسىلعان العاشقى يندۋستريالىق ايماق اتاندى، دەپ حابارلايدى almaty-akshamy.kz
الماتى يندۋستريالىق ايماعى ادام قۇقىقتارى، قورشاعان ورتانى قورعاۋ، ەڭبەك قاتىناستارى جانە سىبايلاس جەمقورلىققا قارسى كۇرەس سالاسىنداعى ورنىقتى دامۋ قاعيداتتارى مەن قۇندىلىقتارىن ساقتاۋعا مىندەتتەمە الىپ، بيىل قازاندا بۇۇ جاھاندىق شارتىنا قوسىلعان «الماتى» اكك-نىڭ ورتاق كەلىسىلگەن دامۋ ستراتەگياسىنا بەيىلدىلىگىن ءبىلدىردى.
«الماتى يندۋستريالىق ايماعى» ج ش س ادام قۇقىقتارىنا، ەڭبەككە، قورشاعان ورتاعا جانە سىبايلاس جەمقورلىققا قارسى كۇرەسكە قاتىستى بۇۇ جاھاندىق شارتىنىڭ ون قاعيداتىن قولدايدى. ءبىز وسى قاعيداتتاردى ىلگەرىلەتەتىن جاھاندىق شارتتى قولداۋعا نيەت بىلدىرەمىز»، - دەءدى «الماتى يندۋستريالىق ايماعى» ج ش س ديرەكتورى الىشەر ساتىبالدييەۆ.
بىرىككەن ۇلتتار ۇيىمىنىڭ كوپ جىلدىق تاجىريبەسىنە، بەدەلى مەن مۇمكىندىكتەرىنە سۇيەنىپ، جاھاندىق شارت كومپانياعا ءبىرقاتار پراكتيكالىق ارتىقشىلىققا، اتاپ ايتقاندا تۇجىرىمدامالىق ازىرلەمەلەرگە قول جەتكىزۋگە، يننوۆاسيالىق ادىستەرمەن الماسۋعا، قورشاعان ورتانى قورعاۋ، الەۋمەتتىك دامۋ جانە مەملەكەتتىك باسقارۋ جونىندەگى جوبالاردى ىسكە اسىرۋدا بۇۇ قۇرىلىمدارىن قولداۋدى پايدالانۋعا قول جەتكىزىپ، قىزمەتىن جاريا جانە اشىق ەتۋگە مۇمكىندىك بەرەدى.
وزىنە قابىلدانعان مىندەتتەمەلەر اياسىندا الماتىنىڭ يندۋستريالىق ايماعى جىل سايىن بۇۇ-نىڭ جاھاندىق شارتىنىڭ قاعيداتتارىن ساقتاۋ سالاسىنداعى جۇمىسىنىڭ ناتيجەسى تۋرالى ەسەپتى ۇسىنادى.
ايتا كەتەيىك، بۇۇ-نىڭ جاھاندىق شارتى كورپوراتيۆتىك الەۋمەتتىك جاۋاپكەرشىلىك جانە تۇراقتى دامۋ سالاسىنداعى الەمدەگى ەڭ ءىرى ەرىكتى باستاما. بۇگىندە ول الەمنىڭ 167 ەلىندەگى 23 مىڭنان استام قاتىسۋشىنىڭ باسىن قوسىپ وتىر.