«تازا قازاقستان» رەسپۋبليكالىق اكسياسى اياسىندا الماتىدا العاشقى ەكو-حاب اشىلدى، كوميۋنيتي-ورتالىقتاردا ءبىرقاتار تانىمدىق جانە وقىتۋ ءىس-شارالارى ءوتتى، ال حالىقتىڭ الەۋمەتتىك وسال توپتارىنا اعاشتاردى كەسۋگە كومەك كورسەتىلدى، دەپ حابارلايدى اlmaty-akshamy.kz.
ەكو-حاب ماركوۆ، 44 مەكەنجايى بويىنشا كرەاتيۆتىك كەڭىستىك نەگىزىندە جۇمىس ىستەدى. ەكولوگيالىق ورتالىقتا تۇراقتى نەگىزدە قايتا شيكىزاتتان بۇيىمدار جاساۋ بويىنشا وقىتۋ دارىستەرى، ەكو-ساعاتتار، تيمبيلدينگتەر جانە شەبەرلىك سىنىپتارى وتكىزىلەتىن بولادى. ەكو - حابتىڭ رەزيدەنتتەرى تاقىرىپقا سايكەس ونىمدەر شىعاراتىن جانە ءىرى سۋپەرماركەتتەرگە شىعۋ مۇمكىندىگى جوق كاسىپكەرلەر مەن ەكو-ستارتاپتار بولادى.
سونىمەن قاتار، الماتى تۇرعىندارى مەن قوناقتارى پايدالى بونۋستارعا ايىرباستاۋ ءۇشىن ەكو-حابقا بولەك جينالعان قالدىقتاردى تاپسىرا الادى. كرەاتيۆتى ەكو-حابتىڭ نەگىزگى ماقساتى ەكولوگيالىق جاۋاپكەرشىلىك مادەنيەتىن دامىتۋ، قالدىقتاردى بولەك جيناۋ مەن قايتا وڭدەۋدى، قورشاعان ورتاعا ۇقىپتى قاراۋ قۇندىلىقتارىن ناسيحاتتاۋ بولىپ تابىلادى.
الماتىنىڭ كوميۋنيتي ورتالىقتارىندا ەكوعا قاتىستىشارالاردىڭ تۇتاس سەرياسى وتۋدە. ەكواكتيۆيستەر جانە قورشاعان ورتاعا جاۋاپكەرشىلىكپەن قارايتىن قالا تۇرعىندارى ەكولوگيانى ساقتاۋ تاقىرىبىن تالقىلايدى، قالدىقتاردى جيناۋ جانە سۇرىپتاۋ بويىنشا شەبەرلىك سىنىپتارى مەن ترەنينگتەرگە قاتىسادى. مۇنداي ءىس-شارالار ءبىلىم بەرۋ باعدارلاماسىنىڭ ءبىر بولىگىنە اينالادى. الداعى ۋاقىتتا كوميۋنيتي - ورتالىق بازاسىندا شىعارماشىل جاستارعا، ەكو-بەلسەندىلەرگە جانە ەكو-ستارتاپتارعا ارنالعان اۋداندىق ەكو-حابتار اشىلادى.
وقۋ جىلىنىڭ اياقتالۋىنا بايلانىستى وقۋشىلار ءۇشىن وقىلعان كىتاپتارمەن، گازەتتەرمەن جانە جۋرنالدارمەن الماسۋ بويىنشا كروسسبۋكينگ اكسياسى وتكىزىلەدى.
بۇدان باسقا، الماتىدا «مەرزىمى وتكەن ءدارى – دارمەكتەردى تاپسىرىڭىز-تابيعاتتى ساقتاڭىز» ەكولوگيالىق اكسياسى جالعاسۋدا، ونى تۇراقتى نەگىزدە وتكىزۋ تۋرالى شەشىم قابىلداندى.
سونداي-اق، وسى كۇنى اعاشتاردى سانيتارلىق كەسۋ ايلىعى باستالادى، ول 29 مامىردان 29 ماۋسىمعا دەيىن ۇوس جالعىز تۇراتىن ارداگەرلەرىنىڭ، زەينەتكەرلەردىڭ، 1، 2 توپتاعى مۇگەدەكتىگى بار ادامداردىڭ، كامەلەتكە تولماعان بالالاردى تاربيەلەپ وتىرعان جالعىزباستى انالاردىڭ جەكە ۇيلەرىنىڭ اۋلالارىندا وتكىزىلەدى.
ەسكە سالساق، «الماتى – ءبىزدىڭ ورتاق ءۇيىمىز» ناۋقانى جانە «تازا قازاقستان» رەسپۋبليكالىق اكسياسى اياسىندا مەگاپوليستە ءبىر ايدا 30 مىڭنان استام جاپىراقتى اعاش جانە 5 مىڭ بۇتا وتىرعىزىلدى، بۇل نيۋ-يوركتىڭ ورتالىق ساياباعىنداعى بارلىق جاسىل جەلەكتەردەن دە كوپ.
«الماتى – ب ا ق قالا» اكسياسى بارىسىندا قالانىڭ بارلىق اۋداندارىندا 8 مىڭنان استام جاسىل جەلەك، ونىڭ ىشىندە 4 مىڭنان استام الما اعاشتارى وتىرعىزىلدى. تۇرعىندارعا ءوز اۋلالارىن كوگالداندىرۋ ءۇشىن 3 مىڭ كوشەت تاراتىلدى. «مەكتەپ اۋلاسىنىڭ ءوازيسى» فەستيۆالى اياسىندا الماتىلىق وقۋشىلار 20 مىڭنان استام گۇل، 430 جەمىس اعاشى جانە 200 تۋي كوشەتتەرىن وتىرعىزدى.
«تازا قازاقستان» رەسپۋبليكالىق اكسياسى مەملەكەت باسشىسىنىڭ تاپسىرماسى بويىنشا ەلدى مەكەندەردىڭ اۋماقتارىن اباتتاندىرۋ جانە كوگالداندىرۋعا،قورشاعان ورتاعا ۇقىپتى قاراۋ قۇندىلىقتارىن قالىپتاستىرۋعا، حالىق اراسىندا جوعارى ازاماتتىق جاۋاپكەرشىلىك پەن ەكولوگيالىق مادەنيەتتى تاربيەلەۋگە باعىتتالعان.