ال ەكپە سالۋ ناۋقانى باستالعاننان بەرى قالادا بارلىعى 444 311 ادامعا ۆاكسينا سالىنعان.
الماتى قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە، قالادا ءبىر تاۋلىكتە 10 398 ادام كوروناۆيرۋسقا قارسى ۆاكسينا سالدىرعان، دەپ حابارلايدى Almaty-akshamy.kz.
«28 ماۋسىم كۇنى 10 398 الماتىلىق ۆاكسينا سالدىردى. بيىلعى جىلدىڭ 1 اقپانى مەن 28 ماۋسىمى ارالىعىندا قالادا بارلىعى 444 311 ادامعا ەكپە سالىندى. ۆاكسينا العانداردىڭ جالپى سانىنان 60 جاستان اسقان قارت كىسىلەر - 74 656»، - دەپ حابارلادى باسقارما.
قالادا 208 ەگۋ پۋنكتى جۇمىس ىستەپ تۇر. 1 256 ادامنان تۇراتىن 307 ەگۋ بريگاداسى بار. سونىمەن قاتار 40 كوشپەلى ءموبيلدى بريگادا ۇيىمداستىرىلدى.
«قازىرگى مەديسينالىق ۇيىمداردا، مەكتەپتەردە، مادەنيەت، سپورت وبەكتىلەرىندە، بازارلار مەن قالانىڭ ساۋدا، ويىن-ساۋىق ورتالىقتارىندا ۆاكسيناسيا پۋنكتى جۇمىس ىستەيدى»، - دەپ ناقتىلادى قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتى. قالا بويىنشا ۆاكسينانىڭ ءبىرىنشى كومپونەنتىنىڭ 31 321 دوزاسى جانە ەكىنشى كومپونەنتىنىڭ 100 792 دوزاسى بار.