اسكەري پوليسەيلەر «ارحو-2021» كونكۋرستارىنا دايىندالۋدا
قاراعاندىنىڭ ماڭىنداعى «سپاسسك» وقۋ-جاتتىعۋ پوليگونىندا ق ر قك اسكەري پوليسيا باس باسقارماسىنىڭ كومانداسى بيىل سەربيادا وتەتىن «ءتارتىپ ساقشىسى» بايقاۋىنا دايىندىققا كىرىستى، دەپ حابارلادى Almaty-akshamy.kz ق ر قورعانىس مينيسترلىگىنىڭ تاراتقان حابارىنا سىلتەمە جاساپ.
كوماندا قۇرامى 6 ادامنان تۇرادى. وعان دەنە جانە اتىس دايارلىعىنان جوعارى كورسەتكىشتەرىمەن ەرەكشەلەنگەن اسكەري پوليسيا قىزمەتكەرلەرى كىردى.
«ءتارتىپ ساقشىسى» بايقاۋى ءتورت كەزەڭنەن تۇرادى. ءبىرىنشى كەزەڭدە اسكەري قىزمەتشىلەر اۆتومات پەن پيستولەتتەن اتۋ شەبەرلىكتەرىنەن جارىسسا، ەكىنشىدە جۇپتاسىپ پاترۋل جۇرگىزۋ ماشىقتارىن كورسەتەدى. ولار تۇرعىندارى بار اۋىلداردا شارتتى قارسىلاسقا اتىسپەن شابۋىل جاساپ سايىسادى. ءۇشىنشى «ءپاترۋلدى نارياد» كەزەڭىندە اتىس، مەديسينالىق دايىندىق، رادياسيالىق، حيميالىق، بيولوگيالىق قورعانىس جانە گراناتتى دالدەپ لاقتىرۋ نورماتيۆتەرىن ورىندايدى. وعان ەكسترەمالدى ەلەمەنتتەر ارقىلى پاترۋلدىك اۆتوكولىكتى جۇرگىزە وتىرىپ، قۇقىق بۇزۋشىنى شابۋىلىن تويتارۋ مەن ۇستاۋ كىرەدى.
– ەڭ قيىنى جانە سوڭعى شەشۋشى سىناق – «جۇگىرۋ» كەزەڭى. بۇعان ۇزىندىعى 12 شاقىرىمعا سوزىلعان تاس جولداعى تابيعي جانە جاساندى كەدەرگىلەردى ەڭسەرۋ كىرەدى، – دەدى كوماندا جاتتىقتىرۋشىسى، پولكوۆنيك ۆيتاليي فەدوروۆ.
العاش رەت «ءتارتىپ ساقشىسى» بايقاۋى 2017 جىلى ارميا حالىقارالىق ويىندارى اياسىندا وتكىزىلىپ، ءبىزدىڭ كوماندا ەكىنشى ورىن العان بولاتىن.
