جولداۋدى قولداۋ.
پرەزيدەنتتىڭ 7 جىلعا سايلانۋىن جانە ودان كەيىن قايتا سايلاۋعا تۇسپەيتىنىن كوپشىلىگى قولداۋدا. قازاقستان جازۋشىلار وداعى ءتوراعاسىنىڭ ورىنباسارى باقىت بەدەلحان دا جولداۋعا قاتىستى ءوز ويىن ءبىلدىردى، دەپ حابارلايدى Almaty-akshamy.kz.
«الاۋلاعان ارماندار مەن جالاۋلاعان دۇنيەمەن جۇرۋگە بولمايتىن زامان ءقازىر. سابىرلى دا ساليقالى، وتە سالماقتى جولدى تاڭداپ وتىرعان قازىرگى ءبىزدىڭ مەملەكەت باسشىمىز قاسىم-جومارت كەمەل ۇلى توقايەۆتىڭ مىنا باعىت-باعدارى كوڭىلگە قونىمدى. الەمدىك دەڭگەيدەگى ديپلوماتيالىق ساياسات ۇستانعان، تاجىريبەسى مول، قازىرگى جاھاندانۋ كەزەڭىندەگى جان-جاعىمىزدى ءورت، دەرت جالماپ جاتقان ۋاقىتتا، اركىمنىڭ پەندەشىلىگى ويانىپ تۇرعان كەزەڭدە وتە ءبىر ساليقالى ساياسات ۇستانۋ - ول بارىمىزگە مىندەت. وسى دۇنيەنى ول كىسى ءوزى ايتتى و باستا. ريەۆوليۋسيالىق جولدى ەمەس، ەۆوليۋسيالىق جولدى تاڭدايمىن دەپ. سول سياقتى بىرتە-بىرتە ءبىرىڭعايلىققا، بىرتە-بىرتە دۇرىس ىڭعايعا كەلە جاتقان جولى كورىپ وتىرمىز. سوندىقتان مىنا 7 جىلدا ءبىر-اق رەت سايلاناتىن پرەزيدەنتتى زاڭعا ەنگىزۋ بۇل وتە ورىندى دۇنيە دەپ ويلايمىن. ءوزى دە ءوز سوزىندە ايتىپ كەتتى، جەتى جىلدا ادام ارمان-ماقساتىن، جوسپارىن تۇگەل ورىنداۋعا تىرىسادى»، - دەي كەلە بەلگىلى اقىن باقىت بەدەلحان پرەزيدەنتتىڭ بۇل باستاماسىن قولداپ وتىرعانىن جەتكىزدى.
«ەڭ باستىسى، ءبىزدىڭ مەملەكەتىمىزدىڭ بەيبىتشىلىگى بەسىكتەي تەربەلىپ تۇرۋ. ادىلەتتى مەملەكەت، تۇتاس ۇلت جانە بەرەكەلى قوعام ورناتۋ. ۇلتتىق قوردان حالىق، ەل، بولاشاق ۇرپاق ەنشى الۋى. ونىڭ اراسىنداعى پرەزيدەنت سايلاۋى ەڭ ۇلكەن دۇنيە، شۇعىل، اياقاستى ەلدى ويلاندىرىپ قويعان نارسە بولۋى مۇمكىن. 7 جىلعا ءبىر رەت سايلانىپ، قايتا ءتۇسۋىنىڭ ءوزى - ءار پرەزيدەنتتىڭ سول مەرزىمدە شۇعىل جانە ءوز-وزىن كورسەتە الاتىن، 7 جىل دەگەندە بىلاي قاراعاندا كوپ سياقتى بولعانمەن، از ۋاقىت. ءبىر رەت سايلانعان قايتا سايلانبايدى، قايتا تۇسە المايدى. ونىڭ ءوزى قاداپ، قازىقتاي قىلىپ كەتسە، مەملەكەتىمىزدىڭ دامۋىنا ۇلكەن سەرپىن بەرەتىن دۇنيە دەپ ويلايمىن»، - دەيدى قازاقستان جازۋشىلار وداعى ءتوراعاسىنىڭ ورىنباسارى.