ءبىر ءوزى - التى ادام

 «ەندىگى ارمانىم – جۇڭگو ءتىلىن ۇيرەنۋ»: 6 ءتىل بىلەتىن تۇركىستاندىق ءمۇعالىم جايلى نە بىلەمىز 

24 kzء-تىڭ مالىمەتىنە سايكەس، تۇركىستان وبلىسى قازىعۇرت اۋدانىندا انا تىلىنەن بولەك، 6 ءتىل بىلەتىن سماديار كارىموۆ ەسىمدى ءمۇعالىم تۇرادى. سماديار كارىموۆ قالاۋبەك تۇرسىنقۇلوۆ اتىنداعى مەكتەپ-گيمنازياسى ديرەكتورىنىڭ وقۋ ءىسى جونىندەگى ورىنباسارى ءارى اعىلشىن ءتىلى پانىنەن ساباق بەرەدى. ول قازاق، ورىس، وزبەك تىلدەرىنەن بولەك، تۇرىك، اراب، كارىس تىلدەرىن مەڭگەرگەن. ايتۋىنشا، اراب ءتىلىن بالا كەزىندە اكەسىنەن ۇيرەنسە، اعىلشىن، تۇرىك، ورىس تىلدەرىن مەكتەپتە وقىپ جۇرگەندە ۇيرەنگەن.

 ««ءبىر ءتىلدى ۇيرەنسەڭ. ءبىر ادامسىڭ، ەكى ءتىلدى ۇيرەنسەڭ. ەكى ادامسىڭ» دەگەن سياقتى، ءبىر ءتىلدى ۇيرەنىپ الساڭ، ارى قاراي وڭاي كەلەدى ەكەن ءوزى»، - دەيدى سماديار كارىموۆ.

ءمۇعالىمنىڭ سوزىنشە، كارىس تىلىنە دەگەن قىزىعۋشىلىق كورەياعا بارىپ كەلگەننەن كەيىن ويانعان.

 «ارنايى وقىعان جوقپىن، ءوزىم ىزدەندىم»، - دەيدى ول.

زەيىندى ۇستازدىڭ ەندىگى ارمانى – جۇڭگو ءتىلىن ۇيرەنۋ. سماديار كارىموۆتىڭ سوزىنشە، قانشا قيىن بولسا دا، نيەتتەنگەن ادام ماقساتىنا جەتپەي قويمايدى. سوندىقتان ول وقۋ-بىلىمگە قۇشتار بولۋدىڭ، ءتىلىن ۇيرەنۋدىڭ ەرتە-كەشى جوق دەگەن پىكىردە.