ۇكىمەت باسشىسى ءاليحان سمايىلوۆ دەنساۋلىق ساقتاۋ مينيسترلىگىنە وسىنداي تاپسىرما بەردى.
ونىڭ ايتۋىنشا، جازدا اۋىل بالالارىنىڭ دەنساۋلىعىنا سكرينينگ جاساۋ كەرەك، دەپ حابارلايدى Almaty-akshamy.kz.
«دەنساۋلىق ساقتاۋ مينيسترلىگى شالعاي ەلدى مەكەندەردە بالالاردىڭ دەنساۋلىعىنا سكرينينگ جاساۋ، ستوماتولوگيالىق تەكسەرۋ جۇرگىزۋ ءۇشىن جىلجىمالى مەديسينالىق پۋنكتەردىڭ جۇمىسىن ۇيىمداستىرۋى ءتيىس»، - دەدى ول.
سونداي-اق ءاليحان سمايىلوۆ قوعامدىق ورىنداردا بالالاردىڭ تاماقتانۋ ساپاسىن باقىلاپ، تاماقتانۋ جانە ويىن-ساۋىق ورتالىقتارىنداعى سانيتارلىق جاعدايدى قامتاماسىز ەتۋ ماڭىزدى ەكەنىن ەسكە سالدى.
«بارلىق لاگەرلەر مەديسينا قىزمەتكەرلەرىمەن، ءتيىستى پەداگوگتارمەن جانە تاربيەشى كادرلارىمەن قامتاماسىز ەتىلۋى قاجەت»، - دەدى پرەمەر-مينيستر.