ءماجىلىس دەپۋتاتى ەلدەگى ءۇش باستى ماسەلەنى اتادى.
ءماجىلىس دەپۋتاتى نارتاي ارالباي ۇلى ەلدىڭ كوكەيىندەگى الەۋمەتتىك ماسەلەردى ستاتيستيكالىق دەرەكتەردى كەلتىرە وتىرىپ، بىرنەشە دەپۋتاتتىق ساۋال جولدادى. بۇل ساۋالدارىن ول سالا مينيسترىنە جولدادى.
«ءبىراق NEET جاستارىنىڭ وزىندىك جۇمىسقا قۇلقى جوق دەپ ايتىلادى، جۇمىسسىز جاستار تۇسىنىكتى، ءوز-وزىن جۇمىسپەن قامتىعان دەگەنگە دە كۇمان بار. ويتكەنى، ول تاكسي جۇرگىزۋشىلەرى، Glovo جانە باسقا سەكىلدى قاراپايىم كۇندەلىكتى تابىس تاۋىپ جۇرگەن ازاماتتار. وسىعان سۇيەنسەك، ءبىزدىڭ ەلدەگى 900 مىڭنان استام جاس ازامات جۇمىسسىز دەگەن دەرەككە كەلۋگە بولادى»، - دەدى نارتاي ارالباي ۇلى.
سونىمەن بىرگە ءماجىلىس دەپۋتاتى جىل سايىن تۇيىسەتىن ءۇش پروبلەماعا توقتالدى.
«وقۋ جىلى كەلسە، مەكتەپ تاپپايمىز، جوعارى وقۋ ورىندارىنا كەلسەك، جاتاقحانا تاپپايمىز، ال وقۋ ورنىن ءبىتىرىپ شىققان جاستارعا جۇمىس تاپپايمىز. بۇل دا بولسا، بولجامداۋدىڭ جوق ەكەنىن بىلدىرەدى»، - دەدى دەپۋتات.
«بۇگىن ەڭبەك جانە حالىقتى الەۋمەتتىك قورعاۋ ءمينيسترى سۆەتلانا قابىكەن قىزى جاقىپوۆا دەپۋتاتتاردىڭ الدىنا كەلدى. ناقتى ساۋالدار قويدىم:
1. جاستار اراسىنداعى جۇمىسسىزدىق. وتىرىك ستاتيستيكا مەن جەلگە ۇشقان بيۋدجەت قارجىسى.2. وڭتۇستىك كورەياعا جۇمىسقا باراتىن ازاماتتارىمىزعا ەڭبەك ۆيزاسىن بەرۋ.3. ەلدەگى كەدەيشىلىك. كەدەي وتباسىنداعى بالالاردىڭ جاعدايى.4. نەگىزسىز ميلليونداعان بونۋس الاتىن كۆازيمەملەكەتتىك كومپانيا باسشىلارى مەن جالاقىعا جارىماي وتىعان جۇرتىم تۋرالى»، - دەپ جازعان ءماجىلىس دەپۋتاتى.
«بارلىق سۇراققا جاۋاپ بەرەدى جۋىردا. جاريالايمىن. بۇل پروبلەمالاردى بۇلاي قالدىرمايمىز»! - دەدى دەپۋتات.