قارۋلى كۇشتەردىڭ اسكەري قىزمەتشىلەرى قازاقستان قۇراماسىنىڭ ساپىندا وق اتۋدان جانە ستەندتىك اتۋدان ازيانىڭ ليسەنزيالىق چەمپيوناتتارىنا سايىسقا تۇسۋدە، دەپ حابارلايدى almaty-akshamy.kz
وق اتۋدان چەمپيونات يندونەزيانىڭ دجاكارتا قالاسىندا (5-18 قاڭتار)، ستەندتىك اتۋدان – كۋۆەيتتىڭ ەل-كۋۆەيت قالاسىندا (12-22 قاڭتار) ءوتىپ جاتىر.
يندونەزيادا جارىسقا وسك-نىڭ ءتورت سپورتشىسى – ق ر قارۋلى كۇشتەرىنىڭ قىزمەتشىلەرى ۆالەريي راحىمجان، يۋريي يۋركوۆ، ەلدار يمانقۇلوۆ جانە مەرزىمدى قىزمەتتىڭ قاتارداعى جاۋىنگەرى ياروسلاۆ ماحنيەۆ قاتىسۋدا. جارىس بارىسىندا ارميا سپورتشىسى ۆالەريي راحىمجان فينالعا ءوتىپ، بەسىنشى ورىنعا يە بولدى. وق اتۋدان ازيا چەمپيوناتىنا ازيا قۇرلىعىنىڭ 29 ەلىنەن بارلىعى 380 سپورتشى قاتىسۋدا.
كۋۆەيتتە بۇگىن باستالاتىن ازيا چەمپيوناتىندا 40 ەلدەن 500-دەن استام سپورتشى سايىستا سىنالماق. قازاقستاننىڭ نامىسىن 18 اتقىش قورعايدى. ولاردىڭ قاتارىندا اسكەري قىزمەتشىلەر – كىشى سەرجانت اسەم ورىنباي جانە مەرزىمدى قىزمەتتىڭ قاتارداعى جاۋىنگەرى الىشەر ايسالبايەۆ بار.
بۇل جولعى قازاقستاندىق سپورتشىلاردىڭ الدىنا قويعان مىندەتى – پاريجدەگى وليمپياداعا ليسەنزيالىق كۆوتا جەڭىپ الۋ.