«ارسەلورميتتال تەمىرتاۋعا» قانداي تالاپ قويىلدى؟

بۇل تۋرالى ءاليحان سمايىلوۆ ايتتى.

ۇكىمەت باسشىسىنىڭ ايتۋىنشا، كەن وندىرەتىن كومپانيالارعا تالاپ كۇشەيەدى، دەپ حابارلايدى Almaty-akshamy.kz

«ارسەلورميتتال تەمىرتاۋ» اق-عا تيەسىلى قاراعاندى وبلىسىنداعى شاحتالارداعى اپاتقا توقتالايىن. جاقىندا كومىر ءوندىرۋ بويىنشا جەر قويناۋىن پايدالانۋ كەلىسىمشارتىن قايتا قاراۋ بارىسىندا وسى كومپانياعا العاش رەت قوسىمشا تالاپتاردى ەنگىزدىك: جىل سايىن كومىر ءوندىرىسىن جاڭعىرتۋعا كەمىندە 150 ملرد تەڭگە ءبولۋ، كومىر قاباتتارىن گازسىزداندىرۋعا 37 ملرد تەڭگە ينۆەستيسيا ءبولۋ. بۇرىن جەر قويناۋىن پايدالانۋشىلاردا مۇنداي مىندەتتەر بولماعان. باسقا جەر قويناۋىن پايدالانۋشىلارعا دا وسىنداي قوسىمشا تالاپتار مەن مىندەتتەمەلەردى كۇشەيتۋدى جوسپارلاپ وتىرمىز»، – دەدى پرەمەر-مينيستر سەناتتىڭ جالپى وتىرىسىندا.

ەسكە سالا كەتسەك، 3 قاراشادا قاراعاندى وبلىسىنىڭ شاحتينسك قالاسىنداعى لەنين شاحتاسىندا اپات بولىپ، 5 كەنشى كوز جۇمعان ەدى.

ال، ەكولوگيالىق رەتتەۋ جانە باقىلاۋ كوميتەتى «ارسەلورميتتال تەمىرتاۋ» اق ميلياردتاعان ايىپپۇل سالىناتىنىن جاريالاعان بولاتىن. سوڭعى 3 جىلدا اتالعان كومپانياعا ەكولوگيالىق تالاپتاردى ساقتاماعانى ءۇشىن 3 ملرد تەڭگەدەن استام ايىپپۇل سالىنعان. ۆەدومستۆو باسشىسى سەرىكقالي برەكەشيەۆ كومپانياعا كەلەسى جىلعا ەكولوگيالىق رۇقسات بەرىلمەۋى مۇمكىن ەكەنىن جوققا شىعارمادى.