بۇل شارا 2007 جىلدان باستاپ وتكىزىلىپ كەلەدى.
ۇلتتىق اكادەميالىق كىتاپحانادا «ءبىر ەل - ءبىر كىتاپ» اكسياسى قورىتىندىلاندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
بيىل رەسپۋبليكالىق اكسيانىڭ باستى تاقىرىبى رەتىندە مەملەكەت قايراتكەرى، عالىم، اقىن، پۋبليسيست، اعارتۋشى جانە رەفورماتور احمەت بايتۇرسىن ۇلىنىڭ عىلىمي جانە ادەبي شىعارماشىلىعى جاريالانعان. وسىلايشا، كەلەسى باعىتتار بويىنشا زەرتتەۋ ءجۇردى:
- «احمەت بايتۇرسىن ۇلىنىڭ عىلىمي مۇراسى»
2.«احمەت بايتۇرسىن ۇلىنىڭ ادەبي شىعارمالارى»
3.«احمەت بايتۇرسىن ۇلىنىڭ قاناتتى سوزدەرى مەن ءسوز تىركەستەرى»
- «قازىرگى عىلىمداعى بايتۇرسىنتانۋ».
ال، 2023 جىلى «ءبىر ەل – ءبىر كىتاپ» اكسياسىنا تولەن ابدىكتىڭ شىعارمالارىن وقۋ بەكىتىلدى.
سونىمەن قاتار، بالالارعا ارنالعان ءبولىم اشۋ قاراستىرىلىپ وتىر. سەبەبى، بالالار ادەبيەتىن دە وقۋ ماڭىزعا يە.
شارا سوڭىندا كوكشەتاۋ وبلىستىق «El-jastar» تەاترى الاش زيالىلارى مەن احمەت بايتۇرسىن ۇلىنىڭ قاسىرەتتى تاعدىرىن كورسەتەتىن كورىنىستى ساحنالادى.
ايتا كەتەيىك، «ءبىر ەل – ءبىر كىتاپ» رەسپۋبليكالىق اكسياسى 2007 جىلدان باستاپ قازاقستان رەسپۋبليكاسىنىڭ ۇلتتىق اكادەميالىق كىتاپحاناسى بازاسىندا وتكىزىلىپ كەلەدى. مىندەتى – قازاق ادەبيەتىن دارىپتەۋ، قوعامنىڭ كىتاپ وقۋعا دەگەن قىزىعۋشىلىعىن ارتتىرۋ، سونداي-اق وسكەلەڭ ۇرپاقتىڭ زياتكەرلىك-رۋحاني دامۋىنا ىقپال ەتۋ.