ارتۋش كاراپەتيان، مەسەنات، رەسپۋبليكالىق «نايري» ارميان مادەني ورتالىقتارى قاۋىمداستىعى» زاڭدى تۇلعالار بىرلەستىگىنىڭ قۇرمەتتى ءتوراعاسى:
بۇگىن – ەرەكشە كۇن! كوكتەمنىڭ العاشقى كۇنىمەن ىلەسە كەلگەن العىس ايتۋ كۇنى! تاڭەرتەڭ ويانا سالىپ، ءبىرىنشى وتباسىما العىسىمدى ءبىلدىردىم. ولاردىڭ اركەز جانىما جالاۋ بولىپ جۇرگەنى ءۇشىن باقىتتىمىن. سوسىن جۇمىس ورنىما كەلىپ، قاناتتاسا ەڭبەك ەتىپ جۇرگەن ارىپتەستەرىمە راحمەت ايتتىم. بۇكىل قازاقستاندىققا، قازاق ەلىنە راحمەت ايتامىن. وسى توپىراقتا تۋىپ، وسى جەردە ءوسىپ-وندىم. مەنىڭ بارلىق جەتىستىك، تابىسىما شىنايى قۋانا بىلگەن وتانداستارىما اركەز تىلەكشىمىن. ءوزىم دە تاۋەلسىز قازاقستاننىڭ دامۋىنا، گۇلدەنۋىنە ۇلەس قوسىپ جۇرگەنىمدى ماقتان ەتەمىن. وتاندىق ءونىمدى اركەز قولداۋعا ءازىرمىن.
"راحمەت" ءسوزى جۇرەكتەردى جىلىلىققا، نۇرعا تولتىرادى. سول شابىتپەن، سول كوڭىلمەن ءسىز بارىپ تاعى بىرنەشە ادامدى كۋانتاسىز. بۇل دەگەن جاقسى عوي. ءبىر-بىرىمىزدى ءاردايىم قۋانتىپ جۇرەيىك. سوندا جەتىستىك اتاۋلىنىڭ ءبارى ءوزى-اق جانىمىزدان تابىلادى.
