قازاقتىڭ كۇرد بالاسىمىن

رافيك ميرزويەۆ، قازاقستاننىڭ ەڭبەك سىڭىرگەن قايراتكەرى، «قۇرمەت» وردەنىنىڭ يەگەرى:

ءبىزدىڭ قازاقستان 130-دان استام ەتنوستى ءبىر قۇشاعىنا سىيعىزىپ، بەيبىت اسپاننىڭ، ءبىر تۋدىڭ استىنا بىرىكتىرىپ، جايلى ءومىر سىيلاپ وتىر. قانشاما ۇلىس وكىلى ءومىر ءسۇرىپ جاتسا دا، ەلىمىزدە تىنىشتىق، تاتۋلىق، دوستىق سالتانات قۇرىپ تۇرعانىن ماقتانىشپەن ايتا الاتىنىمىزدىڭ ءوزى ۇلكەن مارتەبە.

بۇگىندە قاي ەتنوس بولسىن، ءبارى دە ەلىمىزدە قالاعان جۇمىسىمەن اينالىسىپ، ءوز ءتىلىن، مادەنيەتىن، ءسالت-داستۇرىن ساقتاپ، وركەندەتە الادى. قۇشاعى ىستىق، پەيىلى كەڭ قازاق ەلى ەشكىمدى كەۋدەسىنەن يتەرمەك ەمەس. سەبەبى، بۇل – ءبىزدىڭ بابامىزدىڭ قانىمەن كەلە جاتقان ءىرى قاسيەت. سوندىقتان ءبىزدى مەكەن ەتىپ جاتقان باسقا ەتنوس وكىلدەرىنىڭ ءوسىپ، ءونىپ، كوكتەپ وتىرعان جەرىنە العىس ءبىلدىرۋى ورىندى.

ءيا، بۇگىن – العىس ايتۋ كۇنى. قازاق جەرىنە ءاردايىم ىستىق ىقىلاسىن بىلدىرۋدەن تارتىنبايتىن جانى ىزگى جانداردىڭ قاتارىندا الماتىلىق وتانداسىمىز، «باربانگ» كۇردتەر رەسپۋبليكالىق قاۋىمداستىعىنىڭ باسقارما مۇشەسى، «كنياز يبراگيموۆيچ ميرزويەۆ قورىنىڭ» ءتوراعاسى، «نۋبار» ادەبي- كوركەم جۋرنالىنىڭ رەداكسيالىق القا مۇشەسى، كاسىپكەر، قوعام قايراتكەرى رافيك ياكۋب وگلى ميرزويەۆ تا بار. ول بىرنەشە ءتىلدى مەڭگەرگەن. باستىسى، قازاق تىلىنە جەتىك.

سونداي-اق، ول كوپمادەنيەتتى، كوپەتنو ستى مەملەكەتىمىزدەگى كونفە سسياارالىق جانە ەتنوسارالىق كەلىسىمدى نىعايتۋ جولىندا ۇنەمى ازاماتتىق ۇستانىمىن ءبىلدىرىپ، مەگاپوليستە وتەتىن مادەني-رۋحاني كەشتەردىڭ، قايىرىمدىلى ق ءىس-شارالاردىڭ بەل ورتاسىنان تابىلىپ جۇرەدى.

– مەن قازاقتىڭ كۇرد بالاسىمىن. مەن باقىتتىمىن! قازاقستان حالقىنىڭ، قازاق اعايىنداردىڭ ورتاسىندا ءومىر ءسۇرىپ، وسى ەلدەن ءوز ورنىمدى تاپقانىما ريزامىن. ماعان عانا ەمەس، تالاي ەتنوسقا قۇتتى قونىس، جىلى ۇيا بولىپ وتىر. ءبارىمىز بەيبىت تاڭمەن تالاسا تۇرىپ، ءوز تىرلىگىمىزبەن الاڭسىز اينالىسىپ، كەشكە شاڭىراعىمىزعا امان-ەسەن ورالۋدىڭ ءوزى ءبىر باقىت. ال ەشكىممەن ارازداسپاي، جايلى، تولىققاندى ءومىر ءسۇرۋ – مىڭ باقىت. وسىناۋ تىنىش ءومىردىڭ ارقاسىندا قازاقستان ءوسۋ، وركەندەۋ جولىنان تايماق ەمەس. مەن كوكتەمنىڭ العاشقى كۇنىن وزىمەن بىرگە الا كەلەتىن ايتۋلى مەرەكەدە قازاق ەلىنە، وتانداستارىما، اعايىن-تۋىس، دوس-جارانىما، بارشا ۇلكەن-كىشىگە العىس ايتامىن. جاڭا قازاقستاننىڭ ىرگەسىن بىرگە قالايمىز دەگىم كەلەدى، – دەيدى ر.ميرزويەۆ.