ق ر ءىىم اكىمشىلىك پوليسيا كوميتەتى ءتوراعاسىنىڭ مىندەتىن اتقارۋشى قايسار سۇلتانبايەۆ ءبىر ازامات ءوز اتىنا نەشە شەتەلدىك كولىك زاڭداستىرا الاتىنىن ءتۇسىندىردى، دەپ حابارلايدى اlmaty-akshamy.kz.
«شەتەلدەن اكەلىنگەن كولىكتى زاڭداستىرۋ ءۇشىن ونىڭ يەسى مىندەتتى تۇردە قازاقستان رەسپۋبليكاسىنىڭ ازاماتى بولۋ كەرەك. ال ءبىر ازاماتتىڭ اتىنا نەشە كولىك زاڭداستىرۋ كەرەك دەگەن كەلسەك، سانى بويىنشا ەشقانداي شەكتەۋ جوق»، - دەدى كوميتەت باسشىسى ورتالىق كوممۋنيكاسيالار قىزمەتىندە وتكەن بريفينگتە.
بۇل ءۇشىن زاڭداستىرۋعا جاتاتىن كولىك مىناداي ءۇش تالاپقا ساي بولۋى كەرەك:
ءبىرىنشىسى – اۆتوكولىك ىزدەۋدە بولماۋى كەرەك.
ەكىنشىسى – كەدەندىك تازارتۋدان وتكەن بولۋى كەرەك.
ءۇشىنشىسى – 2022 جىلعى 1 قىركۇيەككە دەيىن اكەلىنگەن كولىكتەر بولۋى قاجەت
سونداي-اق، ول تەحنيكالىق اقاۋى بار كولىكتى زاڭداسىتىرۋ ءۇشىن جوندەۋ مىندەتتى ەكەنىن ەسكەرتتى.
«زاڭداستىرۋعا جاتاتىن كولىكتىڭ «جاسىنا»، ەكولوگيالىق كلاسىنا، ءرۋلىنىڭ قاي جاعىندا ورنالاسقانىنا بايلانىستى ەشقانداي تىيىم جوق ەكەنىن تاعى قايتالاپ ايتامىن. ال تەحنيكالىق جاعدايىنا كەلسەك، تىركەۋ كەزىندە تەحنيكالىق باقىلاۋدان وتكىزەمىز. ەگەر كولىكتىڭ تەحنيكالىق تۇرعىدان اقاۋى بار بوپ شىقسا،ونى تىركەۋگە قويا المايتىن شىعارمىز. جول قوزعالىسىنا تەك تەحنيكالىق اقاۋى جوق كولىكتەر عانا قاتىسۋى كەرەك. تەحنيكالىق بايقاۋ دەگەن سول ءۇشىن كەرەك. ءبىراق بۇل ءبىز ونداي كولىكتى تىركەۋدەن باس تارتامىز دەگەن ءسوز ەمەس. يەسى ونى جوندەپ، اقاۋدى جويىپ، قايتادان تىركەۋ پۋنكتىنە جۇگىنە الادى. اقاۋ شىنىمەن جويىلعان بولسا، كولىك تىركەۋگە قويىلادى»، - دەدى قايسار سۇلتانبايەۆ.