ءىىم اكىمشىلىك پوليسيا كوميتەتى ءتوراعاسىنىڭ مىندەتىن اتقارۋشى قايسار سۇلتانبايەۆ شەتەلدەن اكەلىنگەن، زاڭداستىرىلماعان كولىكتەردى مەملەكەت ۇسىنعان جەڭىلدىك ارقىلى راسىمدەۋ ءتارتىبىن ءتۇسىندىردى، دەپ حابارلايدى قازاقپارات ءتىلشىسى.
«زاڭداستىرىلاتىن اۆتوكولىكتەرگە ءۇش نەگىزگى تالاپ قويىلادى. ءبىرىنشىسى – اۆتوكولىك ىزدەۋدە بولماۋى كەرەك. ەكىنشىسى – كەدەندىك تازارتۋدان وتكەن بولۋى ءتيىس. ءۇشىنشىسى – 2022 جىلدىڭ 1 قىركۇيەگىنە دەيىن اكەلىنگەن بولۋى قاجەت. زاڭداستىرۋعا جاتاتىن كولىكتىڭ «جاسىنا» جانە ەكولوگيالىق كلاسىنا ەشقانداي تالاپتار قويىلمايدى»، - دەدى ول ورتالىق كوممۋنيكاسيالار قىزمەتىندە وتكەن بريفينگتە.
سونداي-اق، اتالعان كولىكتەردىڭ قازاقستان اۋماعىنا كىرگەن كۇنىن ايقىنداۋ قانداي جولمەن ىسكە اساتىنىن ءمالىم ەتتى.
«كىرۋ كۇنى ۇلتتىق قاۋىپسىزدىك كوميتەتى شەكارا قىزمەتىنىڭ نەمەسە مەملەكەتتىك كىرىستەر ورگاندارىنىڭ دەرەكتەر بازاسى بويىنشا ايقىندالادى. بۇگىندە ول پروسەسس تولىعىمەن اۆتوماتتاندىرىلعان. سونىمەن قاتار، شەكارا قىزمەتىندە نەمەسە مەملەكەتتىك كىرىستەر ورگاندارىندا كولىك قۇرالىن اكەتۋ تۋرالى مالىمەتتەر بولماعان جاعدايدا، اۆتوكولىكتىڭ قازاقستان رەسپۋبليكاسىندا ناقتى بولۋ كۇنى اۆتوساقتاندىرۋ ءپوليسىنىڭ العاشقى راسىمدەلگەن كۇنى بويىنشا ايقىندالادى»، - دەدى كوميتەت باسشىسى.