قىز ارنايى جول بەلگىسى بار جەردەن جولدى كەسىپ وتپەك بولعان
1 مامىردا تالعار قالاسى ماڭىنداعى جاياۋ جۇرگىنشىلەر جولاعىندا 12 جاسار وقۋشىنى كولىك قاعىپ كەتتى. وقىس وقيعانىڭ ۆيدەوسى الەۋمەتتىك جەلىدە پايدا بولدى، دەپ حابارلايدى Almaty-akshamy.kz.
وڭىرلىك پوليسيانىڭ باسپا ءسوز قىزمەتىندە ناقتىلاپ وتكەندەي، اتالعان ءىس بويىنشا بارلىق قاجەتتى ساراپتامالار تاعايىندالىپ، تەرگەۋ ءىس-شارالارى قولعا الىندى.
ۆەدومستۆونىڭ مالىمەتىنشە، Toyota-نى تىزگىندەگەن 18 جاستاعى جۇرگىزۋشىسى بايتەرەك – تالعار تاس جولىمەن كەلە جاتىپ، وقۋشى قىزدى قاعىپ كەتكەن.
"الدىن الا مالىمەتتەر بويىنشا، كامەلەتكە تولماعان قىز ارنايى جول بەلگىسى بار جەردەن جولدى كەسىپ وتپەك بولعان. جول اپاتى سالدارىنان جاياۋ جۇرگىنشى ءتۇرلى دەنە جاراقاتىن الىپ، تالعار قالاسىنداعى اۋرۋحاناعا جەتكىزىلدى"،- دەدى الماتى وبلىسى پد باسپا ءسوز قىزمەتى.
اتالعان فاكت ق ر قك 345-بابىنىڭ 2-بولىگىندە قامتىلعان قىلمىستىق قۇقىق بۇزۋشىلىق بەلگىلەرى بويىنشا تالعار اۋدانىنىڭ ەقدب-دا تىركەلگەنى دە ناقتىلانادى.
ۆيدەو اۆتورى جۇرگىزۋشىنىڭ جوعارى جىلدامدىقپەن جولدىڭ قاراما-قارسى بەتىمەن جۇيىتكىگەنىن ايتادى. سونداي-اق ول قىزدىڭ اياعى سىنعانىن دا جەتكىزدى.