«ورلەۋ» باۇو» اق فيليالى الماتى قالاسى بويىنشا پقباي قولداۋىمەن ينستيتۋت بازاسىندا قالالىق ءبىلىم بەرۋدەگى جاڭا تەحنولوگيالاردىڭ عىلىمي-ادىستەمەلىك ورتالىعى «ءبىلىمدى ۇلت – تۇراقتى دامۋ كەپىلى» تاقىرىبىندا اعىلشىن تىلىنەن ساباق بەرەتىن مۇعالىمدەر ءۇشىن فورۋم وتكىزدى.
300-گە تارتا پەداگوگتىڭ باسىن قوسقان ءداستۇرلى تامىز كەڭەسىنىڭ شەڭبەرىندە وتكەن فورۋمعا ورتالىق ازيا اعىلشىن ءتىلى باعدارلامالارى دەپارتامەنتىنىڭ قىزمەتكەرلەرى، سەت سينكلەر جانە گەيل سينكلەر سىندى تانىمال ماماندار قاتىسىپ، قاشىقتان وقۋدان كەيىنگى كەزەڭدە ءبىلىم بەرۋگە قاجەتتى رەسۋرستارمەن تانىستىرىپ، ۇسىنىستارىن ايتتى.
الماتى قالاسىنىڭ ورتا ءبىلىم بەرۋ مەكەمەلەرىنىڭ ۇزدىك مۇعالىمدەرى ا.يشانگالييەۆا (№200 مەكتەپ)، گ.پولتۋشيەۆا (№132 گيمنازيا)، ز.مولوتوۆا (№153 مەكتەپ)، ۆ.شەينا (№132 گيمنازيا)، ن.جۇمابەكوۆا (№133 مەكتەپ)، ك.كيم (№132 گيمنازيا)، و.لەونتيەۆا (SL #165) وقۋ پروسەسىن ۇيىمداستىرۋ مەن باسقارۋ بويىنشا ءوز تاجىريبەلەرىمەن ءبولىستى. اتاپ ايتقاندا، وقۋشىلاردىڭ بىلىمدەرىندەگى ولقىلىقتاردى جويۋ جانە ولاردىڭ ورنىن تولىقتىرۋ، اكت تەحنولوگيالارىن ءتيىمدى قولدانۋ، وقۋ جوبالارىنا ىنتالاندىرۋدى ۇيىمداستىرۋ جولدارى جانە ت.ب.
ىنتىماقتاستىق جۇمىس اياسىندا سدۋ وقىتۋشىسى ابباس بوداۋبەكوۆ اعىلشىن ءتىلى ساباعىندا موتيۆاسيانى قولداۋدىڭ جەكەلەنگەن تاسىلدەرى تۋرالى ايتتى. «ورلەۋ» باۇو» اق فيليالى الماتى قالاسى بويىنشا پقباي ديرەكتورىنىڭ ءوقۋ-ىسى جونىندەگى ورىنباسارى يلدانا حاليتوۆا «ءبىلىم بەرۋدىڭ جاڭارتىلعان مازمۇنىنىڭ ەرەكشەلىكتەرىن وقىتۋ مەن وقۋدىڭ ادىستەرى: وقۋشىلاردىڭ فۋنكسيونالدىق ساۋاتتىلىعىن دامىتۋ» تاقىرىبى بويىنشا تانىستىرىلىم جاساپ، ءبىلىم بەرۋ ساپاسىن ارتتىرۋعا قاتىستى وي-تۇجىرىمدارىمەن ءبولىستى.