ق ر وقۋ-اعارتۋ ءمينيسترى قىزىلوردا وبلىسىنا جۇمىس ساپارىمەن كەلدى.
جۇمىس ساپارى بارىسىندا جاڭاقورعان اۋدانىندا ءبىلىم سالاسىنداعى سىبايلاس جەمقورلىقتىڭ الدىن الۋ بويىنشا كەڭەس ءوتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
وعان وڭىردەگى ءبىلىم بەرۋ ۇيىمدارىنىڭ 1100 باسشىسى، بۋحگالتەرلەر، مەملەكەتتىك جانە قۇقىق قورعاۋ ورگاندارىنىڭ وكىلدەرى قاتىستى.
مينيستر ءبىلىم بەرۋ جۇيەسىندە قابىلدانىپ جاتقان شارالار مەن ءبىلىم ساپاسىن ارتتىرۋعا باسا نازار اۋداردى.
«مينيسترلىكتىڭ باسىم مىندەتتەرىنىڭ ءبىرى - ءبىلىم بەرۋ ۇيىمدارىن جوعارى بىلىكتى كادرلارمەن قامتاماسىز ەتۋ جانە ءبىلىم بەرۋ جۇيەسىندەگى مەنەدجمەنتتى جاقسارتۋ. مىقتى باسشىلاردى ىرىكتەۋ جانە دايارلاۋ باعدارلاماسى ازىرلەنۋدە. بارلىعى اشىق ءارى ايقىن بولۋ ءۇشىن جوعارى بىلىكتى پەداگوگتەر بازاسىن جانە مەكتەپ ديرەكتورلارىنىڭ كادرلىق رەزەرۆىن قۇرۋ جوسپارلانۋدا»، - دەدى عاني بەيسەمبايەۆ.
ءبىلىم سالاسىنداعى ساپانى قامتاماسىز ەتۋ كوميتەتىنىڭ ءتوراعاسى ەرنۇر داۋەنوۆ ءبىلىم بەرۋ جۇيەسىندەگى سىبايلاس جەمقورلىق تاۋەكەلدەرىنە جانە سيفرلىق تەحنولوگيالاردى قولدانا وتىرىپ شەشۋ جولدارىنا توقتالدى.
سونداي-اق قازىرگى جاعداي تۋرالى قىزىلوردا وبلىسى ءبىلىم باسقارماسىنىڭ باسشىسى جانە سىبايلاس جەمقورلىققا قارسى ءىس-قيمىل اگەنتتىگى دەپارتامەنتى باسشىسىنىڭ ءبىرىنشى ورىنباسارى بايانداما جاسادى.
سىبايلاس جەمقورلىق فاكتىلەرىنە جول بەرمەۋ ماقساتىندا مينيسترلىك اۋماقتىق بولىمشەلەر، سىبايلاس جەمقورلىققا قارسى ءىس-قيمىل اگەنتتىگى، اكىمدىكتەر مەن ءماسليحاتتار دەپۋتاتتارى جانە قوعام وكىلدەرىن تارتا وتىرىپ مونيتورينگ توپتارىنقۇرۋدى ۇسىندى.
بارلىق وبلىستىق ءبىلىم باسقارمالارى، اۋداندىق، قالالىق ءبىلىم بولىمدەرىن قامتيتىن «ءبىلىم ءاۋديتىن» وتكىزۋ جوسپارلانعان.
ەستەرىڭىزگە سالا كەتەيىك، بۇعان دەيىن ق ر وقۋ-اعارتۋ مينيسترلىگى مەن سىبايلاس جەمقورلىققا قارسى ءىس قيمىل اگەنتتىگى ەلىمىزدىڭ بارلىق ءبىلىم بەرۋ ۇيىمدارىندا اۋديت جۇرگىزۋ تۋرالى شەشىم قابىلداندى.
بىرلەسكەن تالداۋدىڭ باستالۋىنا ءبىلىم بەرۋ سالاسىنداعى ءتۇرلى سىبايلاس جەمقورلىق قىلمىستار سەبەپ بولدى.
ولاردىڭ باسىم بولىگى شىمكەنت قالاسى، شىعىس قازاقستان، تۇركىستان جانە قىزىلوردا وبلىستارىندا.
كەڭەس قورىتىندىسى بويىنشا ءبىلىم سالاسىنداعى قازىرگى جاعدايدى وزگەرتۋ ءۇشىن كەشەندى شارالار قولدانۋ جونىندە شەشىم قابىلداندى.
ول - ءبىلىم بەرۋ ۇيىمدارىندا سىبايلاس جەمقورلىق تاۋەكەلدەرىنە تالداۋ جۇرگىزۋ جانە قارجىلىق ءتارتىپتى كۇشەيتۋ.
ايتا كەتۋ كەرەك، سىبايلاس جەمقورلىقتىڭ الدىن الۋ شارالارى ەلىمىزدىڭ بارلىق وڭىرلەرىندە جالعاسادى.