بۇگىندە الماتىنىڭ حالىق سانى 2 024، 861 ادامنان اسادى.
مەگاپوليستە 100-دەن استام ۇلت وكىلى تۇرادى، دەپ حابارلايدى Almaty-akshamy.kz.
الماتى حالقىنىڭ ەتنيكالىق قۇرامىندا 9 ۇلت وكىلىنىڭ سانى وزگەلەرىنەن كوبىرەك. ولار: قازاقتار - 1 280 360 ادام (63،2 %)، ورىستار - 458 901 (27،7 %)، ۇيعىرلار - 108 524 (5،4 %)، كارىستەر - 35 626 (1،8 %)، تاتارلار - 25 463 (1،3 %)، ءازىربايجاندار - 15 063 (0،7 %)، وزبەكتەر - 13 403 (0،63%)، دۇنگەندەر - 12 621 (0،56 %)، تۇرىكتەر - 10 325 (0،51 %).
الماتىداعى قازاقستان حالقى اسسامبلەياسىنىڭ جۇمىس ورگانى ۇلتارالىق قاتىناستاردى دامىتۋ جونىندەگى ءبولىم – الماتى قالاسىنىڭ قوعامدىق دامۋ باسقارماسى قحا حاتشىلىعى بولىپ سانالادى.
اسسامبلەيا جۇمىسىن الماتى ق. قوعامدىق دامۋ باسقارماسىنىڭ «قوعامدىق كەلىسىم» كمم قامتاماسىز ەتەدى.
مۇندا 10 رەسپۋبليكالىق جانە 38 قالالىق ەتنومادەني ۇيىم بار.
4 مەملەكەتتىك ۇلتتىق تەاتر جۇمىس ىستەيدى. ولار:
- قوجامجاروۆ اتىنداعى رەسپۋبليكالىق مەملەكەتتىك ۇيعىر مۋزىكالىق كومەديا تەاترى،
- مەملەكەتتىك رەسپۋبليكالىق مۋزىكالىق كومەديالىق تەاترى،
- مەملەكەتتىك رەسپۋبليكالىق اكادەميالىق نەمىس دراما تەاترى،
- لەرمونتوۆ اتىنداعى مەملەكەتتىك ورىس اكادەميالىق تەاترى.
اسسامبلەيادا ءتيىستى ەتنوستاردىڭ مادەني مۇراسىن ساقتاۋ مەن دامىتۋدى قامتاماسىز ەتۋ ماقساتىندا قۇرىلعان 27 ونەر ۇجىمى بار.
7 ەتنيكالىق ب ا ق رەداكسياسى بار - «Deutschە Allgemeine Zeitung» نەمىس رەسپۋليكالىق گازەتى، «احىسكا» رەسپۋبليكالىق تۇرىك گازەتى، «كورە يلبو» كورەي رەسپۋبليكالىق گازەتى، «ۋيعۋر اۆازي» ۇيعىر رەسپۋبليكالىق گازەتى، «ازيا سەگودنيا» ۇيعىر جۋرنالى، «جييانا كۋرد» كۇرد گازەتى جانە ت.ب.
الماتى قالاسى قحا قۇرىلىمىندا قوعامدىق كەلىسىم كەڭەسى، انالار كەڭەسى، جۋرلانيستەر كلۋبى، عىلىمي-ساراپشى توپ، قحا دەپوزيتارييى، الماتى قالاسىنداعى «اسسامبلەيا جاستارى» رقۇ وكىلدىگى بار.