الماتىدا باتۋتتاعى گيمناستيكادان كەزەكتى، ياعني 6-شى سپارتكيادا باستالدى.
4 جىلدا ءبىر وتەتىن بايراقتى باسەكەگە 9 ايماقتان 120-عا جۋىق قاتىسۋشى جينالدى، دەپ حابارلايدى Almaty-akshamy.kz. 24 kz-كە سىلتەمە جاساپ.
ەندى ولار بىرنەشە كۇن بويى جەكەلەي، جۇپتىق جانە كوماندالىق سىنداردا ءوزارا مىقتىنى انىقتايدى. جارىس باعدارلاماسىنا گيمناستيكانىڭ 3 باعىتى، ياعني اكروباتيكالىق جولاق، ميني ترامپ جانە باتتۋتاعى جاتتىعۋلار ەنگىزىلگەن.
ايتا كەتۋ كەرەك، قازاقستان سپارتاكياداسىنا ەل نامىسىن قورعاپ جۇرگەن ۇلتتىق قۇراما وكىلدەرى تۇگەل كەلدى. ياعني، جاسوسپىرىمدەر، جاستار مەن ەرەسەكتەر اراسىنداعى ۇزدىكتەر دە باسقالارمەن بىردەي جارىسقا ارالاسادى. بۇل ايماقتاردان جينالعان سپورتشىلاردىڭ شەبەرلىگىن شىڭداۋعا كومەكتەسەدى. ال قۇراماداعى كاسىپقوي سپورتشىلار ءۇشىن بابىن جوعالتپاي، تاجىريبەسىن جەتىلدىرۋگە كەرەمەت مۇمكىندىك.
- 2023 جىلدىڭ باستى جارىسى الداعى ازيا ويىندارى ەكەنى بەلگىلى. مىنە، ءبىز وسى جارىسقا دايىندىق ۇستىندەمىز. ءقازىر ۇلتتىق قۇراما مۇشەلەرى تۇگەلدەي سپارتاكياداعا قاتىسىپ، باقتارىن سىناپ جاتىر. ال ءدال وسى ىشكى بىرىنشىلىك ناتيجەسىندە ءبىز ۇزدىك سپورتشىلاردى ىرىكتەپ، 2024 جىلى ەل نامىسىن قورعايتىن ۇلتتىق قۇرامانى جاساقتايمىز. ايتا كەتۋ كەرەك، سپورتتىق ءدال وسى باعىتى ءقازىر بىزدە جاقسى دامىپ جاتىر جانە باسەكەلەستىك دەڭگەيى كادىمگىدەي وسكەن، - دەيدى ۇلتتىق قۇرامانىڭ باس باپكەرى سەرگەي ۆەرتيانكين.