الماتىلىقتاردى قورشاعان ورتاعا جاۋاپكەرشىلىكپەن قاراۋعا شاقىردى. وڭىرلىك كوممۋنيكاسيالار قىزمەتىنىڭ بريفينگىندە تابيعي ورتتەردىڭ الدىن الۋ جانە جويۋ بويىنشا قابىلدانىپ جاتقان شارالار تۋرالى ىلە-الاتاۋ ۇلتتىق پاركىنىڭ ورماندى مولىقتىرۋ جانە قالپىنا كەلتىرۋ ءبولىمىنىڭ باستىعى رايحان مۇحامەتجانوۆا ايتىپ بەردى، دەپ حابارلايدى اlmaty-akshamy.kz.
ءورت ءقاۋپى بار كەزەڭ رەسمي تۇردە 20 ناۋرىزدان باستاپ بەلگىلەندى.
ىلە - الاتاۋ مەملەكەت قورعاۋىنداعى بىرەگەي تابيعي كەشەن. ول لاندشافتىنىڭ كۇردەلىلىگى مەن سۇلۋلىعىمەن ەرەكشەلەنەدى. سونداي-اق، تاڭعاجايىپ بيولوگيالىق ارتۇرلىلىگىمەن ەرەكشەلەنەدى. ۇلتتىق پاركتىڭ جالپى اۋدانى 200 160 گا قۇرايدى.
وكق سپيكەرى ىلە-الاتاۋ مۇتپ اۋماعىندا ورمان ورتتەرىن ءسوندىرۋ جانە تەحنوگەندىك فاكتورلاردى ۋاقتىلى جويۋ ماقساتىندا 60 ادامنان تۇراتىن توتەنشە توپ قۇرىلعانىن اتاپ ءوتتى. توپ ءورت ءسوندىرۋ قۇرالدارىمەن جانە ارنايى كيىممەن جابدىقتالعان.
بيىل 5 اقپان مەن 6 ناۋرىز ارالىعىندا ءورت ءقاۋىپتى ماۋسىمعا دايىندىق ايلىعى وتكىزىلدى، ءورتتىڭ الدىن الۋ جونىندەگى ءىس-شارالار ايقىندالدى جانە بەكىتىلدى. الماتى وبلىسىنىڭ توتەنشە جاعدايلار دەپارتامەنتتەرىمەن (قاراساي، تالعار جانە ەڭبەكشىقازاق اۋداندارىمەن) جانە الماتى قالاسىنىڭ 2024 جىلعا ارنالعان «ىلە-الاتاۋ مۇتپ» رمم اۋماعىندا تاۋ، ورمان جانە تاۋ-كەن ورتتەرىن جويۋ جونىندەگى بىرلەسكەن ءىس-قيمىل جوسپارلارى ازىرلەنۋدە. سونىمەن قاتار، تجد، ەكولوگيا باسقارماسى مەن ۇلتتىق پارك اراسىندا تابيعي ورتتەرگە دەن قويۋ بويىنشا ءۇشجاقتى كەلىسىم جاسالادى.
رايحان مۇحامەتجانوۆانىڭ ايتۋىنشا، 2024 جىلعى ءورت ءقاۋىپتى ماۋسىمعا ءورتتىڭ الدىن الۋ بويىنشا مىناداي شارالار جوسپارلانعان:
- ورمان جانە ورتكە قارسى ماقساتتاعى جولداردى جوندەۋ - 228،5 كم؛
- ورتكە قارسى جولاقتاردىڭ شوپتەرىن شابۋ - 78 كم؛
- باقىلاۋ مۇنارالارىنا كۇتىم جاساۋ- 22 بىرلىك.؛
- انشلاگ، پاننولاردى جاڭارتۋ-60 دانا؛
- انشلاگتاردى ورناتۋ-100 دانا.
- نۇسقامالاردى، مىندەتتەمەلەردى تاراتۋ-160 دانا؛
- ورتكە قارسى پاراقشالاردى تاراتۋ-30 000 دانا.
ۇلتتىق ساياباقتىڭ مەملەكەتتىك ينسپەكتورلارى قىزمەتتىك جىلقىلارمەن تولىق قامتاماسىز ەتىلگەن. 4 ۋاقىتشا ورمان ءورت ءسوندىرۋ ستانسياسى، ءووس قۇرامىندا 4 ارنايى ءورت ءسوندىرۋ اۆتوكولىگى، 11 ستاسيونارلىق، 4 كولىك راسياسى، 68 تاسىمال راسياسى بار. سونداي-اق، باسقا دا قاجەتتى قۇرالدار بار.
2023 جىلى ورمان قورى جەرلەرىندەگى ورتتەردىڭ الدىن الۋ جانە ولاردىڭ ورتتەردى سوندىرۋگە دايىندىق دەڭگەيىن ارتتىرۋ ماقساتىندا اۋداندىق توتەنشە جاعدايلار باسقارمالارىمەن بىرلەسىپ «الاۋ-2023» وقۋ جاتتىعۋى وتكىزىلدى.
ۇلتتىق پاركتىڭ مەملەكەتتىك ساتىپ الۋ جونىندەگى تەحنيكالىق ماتەريالدىق بازاسىن جاقسارتۋ ماقساتىندا ءورت ءقاۋپى ماۋسىمىنا قاجەتتى قۇرالدار ساتىپ الىنعان جانە ءالى دە تولىقتىرىلۋدا.
«2023 جىلى 9،9 گەكتار القاپتا ورمان ورتتەرىنىڭ 3 وقيعاسى تىركەلدى، ونىڭ ىشىندە، 1،02 گا ورمانمەن جابىلعان الاڭ بولسا، 5،48 گا - ورماندى ەمەس الاڭ. ءورت 7،4 تەكشە مەتر اعاش تۇقىلدارىن جويدى، زالال 336 مىڭ تەڭگەنى قۇرادى. ورمان ورتتەرىن وشىرۋگە جۇمسالعان شىعىن 282،5 مىڭ تەڭگەنى قۇرادى، ورمان ورتتەرىنەن جالپى شىعىن 618،5 مىڭ تەڭگەنى قۇرادى. ءورتتىڭ شىعۋ سەبەبى انىقتالعان جوق»، - دەدى ر.مۇحامەتجانوۆا.
ورماندارداعى ءورت قاۋىپسىزدىگى ەرەجەلەرىن بۇزعانى ءۇشىن (367-باپ، 3-ت.) 41 اكىمشىلىك-قۇقىقتىق بۇزۋشىلىق حاتتاماسى جاسالدى، 41 جەكە تۇلعا جاۋاپقا تارتىلدى، 9771،6 مىڭ تەڭگە سوماسىنا اكىمشىلىك ايىپپۇل سالىندى جانە 5554،5 مىڭ تەڭگە ءوندىرىلدى.
«كۇزەتتى جاقسارتۋ ماقساتىندا جىل سايىن ۇلتتىق پارك اۋماعىن ورتكە قارسى جايلاستىرۋ، تاۋلى جاعدايلاردا ورمان ورتتەرىن ءسوندىرۋ، سونداي - اق وسىنداي جۇمىستاردى جۇرگىزۋ كەزىندە قاۋىپسىزدىك تەحنيكاسى ماسەلەلەرى بويىنشا قىزمەتكەرلەردى وقىتۋ جانە ولارعا نۇسقاۋ بەرۋ جۇرگىزىلەدى»، - دەپ تولىقتىردى رايحان مۇحامەتجانوۆا.