وقۋ-اعارتۋ ءمينيسترىنىڭ بۇيرىعىمەن رەسپۋبليكالىق عىلىمي-پراكتيكالىق ءبىلىم مازمۇنىن ساراپتاۋ ورتالىعىنىڭ ديرەكتورى قىزمەتىنە ءابدىراحمانوۆا ءنازيرا قابدوللا قىزى تاعايىندالدى، دەپ حابارلايدى Almaty-akshamy.kz مينيسترلىكتىڭ باسپا ءسوز قىزمەتىنە سىلتەمە جاساپ.
نازيرا ءابدىراحمانوۆا ش. ءۋاليحانوۆ اتىنداعى كوكشەتاۋ پەداگوگيكالىق ينستيتۋتىن، ومبى مەملەكەتتىك پەداگوگيكالىق ۋنيۆەرسيتەتىن بىتىرگەن.
ەڭبەك جولىن 1988 جىلى كوكشەتاۋ وبلىسىندا پەداگوگ بولىپ باستاپ، 2002 - 2014 جىلدار ارالىعىندا سولتۇستىك قازاقستان وبلىسى تايىنشا اۋدانىنىڭ ءبىلىم بولىمىندە ءتۇرلى لاۋازىم اتقاردى.
2014-2018 جىلدارى – سولتۇستىك قازاقستان وبلىسى «جامبىل اۋدانىنىڭ ءبىلىم ءبولىمى» مم باسشىسى؛ 2018-2020 جىلدارى – ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم دەپارتامەنتى بالالار مەن ەرەسەكتەرگە ارنالعان تاربيە جۇمىسى جانە قوسىمشا ءبىلىم بەرۋ باسقارماسىنىڭ باسشىسى؛ 2020-2022 جىلدارى ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتىنىڭ مەكتەپكە دەيىنگى، ورتا، ارنايى جانە ينكليۋزيۆتى ءبىلىم بەرۋدى كۇتىپ ۇستاۋ جانە ءادىسنامالىق قامتاماسىز ەتۋ باسقارماسىنىڭ باسشىسى بولدى.
2022 جىلدىڭ قاڭتار-قازان ايلارى ارالىعىندا ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتىنىڭ ءبىلىم بەرۋ مازمۇنى جانە ءادىسنامالىق قامتاماسىز ەتۋ باسقارماسىنىڭ باسشىسى.
2022 جىلدىڭ قازان ايىنان قازىرگى ۋاقىتقا دەيىن وقۋ-اعارتۋ مينيسترلىگى ورتا ءبىلىم كوميتەتىنىڭ ءبىلىم بەرۋ مازمۇنى جانە ءادىسنامالىق قامتاماسىز ەتۋ باسقارماسىنىڭ باسشىسى قىزمەتىن اتقاردى.