«بولاشاق» شاعىن اۋدىنىنىڭ تۇرعىندارى قازان ايىندا سۋمەن جانە كارىزبەن قامتاماسىز ەتىلەدى
الماتىدا اۋداندىق اكىمدىكتەردىڭ قىزمەتتەرى كەڭەيگەن سوڭ الاتاۋ اۋدانىندا ۇزىندىعى 295 كم ينجەنەرلىك جەلىلەردى توسەۋ جۇمىستارى باستالدى، دەپ حابارلادى قالا اكىمى ەربولات دوسايەۆ حالىقپەن كەزدەسۋدە.
«العاباس» جانە «شاپاعات» شاعىن اۋداندارىندا اۋىز سۋ جانە كارىز جۇيەلەرىن سالۋ جۇمىستارى ماۋسىم ايىندا باستالدى. ولار 2024 جىلدىڭ قازان ايىندا اياقتالادى. ال «بولاشاق» شاعىن اۋدانىندا قازان ايىندا ابونەنتتەر سۋمەن جانە كارىزبەن قامتاماسىز ەتىلەدى.
«سونىمەن قاتار، «سايالى» شاعىن اۋدانىندا كارىز جۇيەلەرىن توسەۋ قاراشا ايىنا دەيىن اياقتاۋ جوسپارلانعان. تامىزدا «تەرەكتى»، «راحات-مادەنيەت» شاعىن اۋداندارىندا سۋمەن قامتۋ جانە كارىز جەلىلەرىنىڭ قۇرىلىسى باستالىپ، 2024 جىلدىڭ سوڭىنا دەيىن اياقتالادى»، - دەدى قالا اكىمى.