قازاقستان مەن جۇڭگو ۋنيۆەرسيتەتتەرى ءبىلىم بەرۋ سالاسىنداعى ىنتىماقتاستىقتى نىعايتۋدى جالعاستىرۋدا. 2023 جىلعى 5 شىلدەدە اباي اتىنداعى قازۇپۋ رەكتورى دارحان ءبىلالوۆ سيان سزياو تۋن ۋنيۆەرسيتەتىنىڭ دەلەگاسياسىمەن كەزدەستى.
كەزدەسۋ بارىسىندا تاراپتار ىنتىماقتاستىقتىڭ ءتۇرلى اسپەكتىلەرىن، سونىڭ ىشىندە ستۋدەنتتەر مەن وقىتۋشىلارمەن الماسۋ، بىرلەسكەن عىلىمي زەرتتەۋلەر جۇرگىزۋ جانە اكادەميالىق باعدارلامالاردى دامىتۋ ماسەلەلەرىن تالقىلادى.
پوستدوكتورانتۋرا سالاسىنداعى ىنتىماقتاستىقتى دامىتۋعا ەرەكشە نازار اۋدارىلدى. دوستىق اتموسفەرادا جانە ناتيجەلى وتكەن بۇل ماڭىزدى ءىس-شارادا جوعارى وقۋ ورىندارىنىڭ ءبىلىم بەرۋ جانە عىلىم سالاسىنداعى ىنتىماقتاستىقتى نىعايتىپ، ەكى ەل اراسىنداعى بايلانىستى دامىتۋعا ىقپالىن تيگىزەتىنىن اتاپ ءوتتى.
كەزدەسۋ سوڭىندا ۋنيۆەرسيتەتتەر اراسىنداعى ىنتىماقتاستىق تۋرالى مەموراندۋمعا قول قويىلدى. بۇل كەزدەسۋ قازاقستان مەن جۇڭگو اراسىنداعى ءبىلىم جانە عىلىم سالاسىنداعى بايلانىستاردى نىعايتۋ جولىنداعى ماڭىزدى قادام بولىپ تابىلادى.
مۇنداي ىنتىماقتاستىق ەكى جوعارى وقۋ ورنىنىڭ ستۋدەنتتەرىنە، وقىتۋشىلارىنا جانە عىلىمي قىزمەتكەرلەرىنە ۇلكەن مۇمكىندىكتەرگە جول اشىپ، ەكى مەملەكەت اراسىنداعى ءبىلىم مەن مادەنيەتتىڭ دامۋىنا ىقپال ەتەدى.