ءقازىردىڭ وزىندە مينيسترلىكتىڭ Facebook، Telegram، Instagram جانە Youtube سياقتى الەۋمەتتىك جەلىلەردە پاراقشالارى بار.
ءبىلىم جانە عىلىم مينيسترلىگى TikTok پاراقشاسىن اشتى، دەپ حابارلايدى Almaty-akshamy.kz ق ر ءبىلىم جانە عىلىم مينيسترلىگىنىڭ باسپا ءسوز قىزمەتىنە سىلتەمە جاساپ.
«قۇرمەتتى ستۋدەنتتەر مەن وقۋشىلار! ەلىمىزدە وزدەرىڭىز سياقتى 4 ملن-نان استام ستۋدەنت پەن وقۋشى (3،6 ملن مەكتەپ وقۋشىسى جانە ءبىر ملن-نان استام كوللەدجدەر مەن ۋنيۆەرسيتەتتەردىڭ ستۋدەنتتەرى) بار. ءبىز سىزدەرمەن ءبىر تولقىندا بولعىمىز كەلەدى. كۇننەن-كۇنگە تانىمالدىعى ارتىپ كەلە جاتقان TikTok-تا كوپ ۋاقىت وتكىزەتىندەرىڭىزدى بىلەمىز. سول سەبەپتى مينيسترلىك تە TikTok-تا (www.tiktok.com/@bilim_gylym) پاراقشاسىن اشۋدى ءجون كوردى. ءبىزدىڭ پاراقشاعا جازىلىپ، سىلتەمەنى دوستارىڭىزعا تاراتساڭىزدار بولادى. ءبىز پايدالى اقپاراتتار، قىزىقتى ۆيدەولار، جاڭالىقتارمەن جانە لايفحاكتار جاريالاپ تۇرۋعا ۋادە بەرەمىز. ءدال ءقازىر باسپا ءسوز قىزمەتى ۇبت كەزىندە تۇلەكتەرگە پايدالى بولاتىن نۇسقاۋلىقتار ازىرلەپ جاتىر. سىزدەرگە ارنالعان جانە وزدەرىڭىز تۋرالى اقپاراتتاردى جاريالاپ وتىرامىز. ءقازىردىڭ وزىندە مينيسترلىكتىڭ Facebook، Telegram، Instagram جانە Youtube سياقتى الەۋمەتتىك جەلىلەردە پاراقشالارى بار. مينيسترلىك الەۋمەتتىك جەلىلەردەگى پاراقشالارىندا ءبىلىم جانە عىلىم سالاسىنداعى جاڭالىقتارىن ءجيى جاريالاپ تۇرۋعا تىرىسادى. اپپارات جينالىسىن تىكەلەي ەفيردە وتكىزىپ، سپيكەرلەرمەن بىرگە سىزدەردىڭ سۇراقتارىڭىزعا جاۋاپ بەرەمىز، ودان بولەك، تالانتتى ۇستازدار، پروفەسسورلار، عالىمدار مەن ولاردىڭ عىلىمي جەتىستىكتەرى، مينيسترلىك وتكىزەتىن بايقاۋلار مەن ءىس-شارالار تۋرالى ايتامىز. وقىرماندارىمىزدىڭ جاڭالىقتاردان حاباردار بولىپ، سۇراقتارىنا جاۋاپ الۋى ءۇشىن مۇمكىندىگىنشە جاڭا ايدارلار اشامىز»، - دەلىنگەن مينيسترلىكتىڭ حابارلاماسىندا.