توپىراق ماسساسى كىشى الماتى وزەنىنە ءتۇسىپ، وزەن ارناسىن بوگەپ تاستادى.
450-500 تەكشە مەتر توپىراق سىرعىماسى «جايلاۋ» ەتنو-كافەسىنىڭ اۋماعىنا تۇسكەن، دەپ حابارلايدى Almaty-akshamy.kz
الماتى قالاسى مەدەۋ اۋدانىندا توپىراق كوشكىنى ءجۇردى. 28 ناۋرىز كۇنى تۇسكى ساعات 15:00 شاماسىندا الماتى قالالىق توتەنشە جاعدايلار دەپارتامەنتىنە مەدەۋ اۋدانى، «كوكتوبە» ىقشاماۋدانىندا ورنالاسقان «جايلاۋ» ەتنو-كافەسىنىڭ اۋماعىنا 450-500 تەكشە مەتر توپىراق سىرعىماسىنىڭ تۇسكەنى تۋرالى اقپارات ءتۇستى.
«توپىراق ماسساسى كىشى الماتى وزەنىنە ءتۇسىپ، وزەن ارناسىن بوگەپ تاستادى. جاۋىن-شاشىن سالدارىنان توپىراق ىلعالدانىپ كەتكەن. ابىروي بولعاندا، قازا بولعاندار مەن زارداپ شەككەندەر جوق. قازىرگى ۋاقىتتا بالشىق ماسساسىن تازالاۋ جۇمىستارىن «انا جەر قۇرىلىس» ج ش س (30 ادام، 3 بىرلىك تەحنيكا) جۇرگىزۋدە. وقيعا ورنىنا مەدەۋ اۋدانى تج باسقارماسىنىڭ، «قازسەلدەنقورعاۋ» مم باستىعى باردى»، - دەپ حابارلادى تجد.