كولىگىنە جالعان ءنومىر تاققاندار كۋالىگىنەن ايىرىلادى

بۇرىن تەك ايىپپۇل سالىناتىن.

ەندى ءبىر جىلعا جۇرگىزۋشى كۋالىگىنەن ايىرىلۋ ءقاۋپى بار، دەپ حابارلايدى Almaty-akshamy.kz

پارلامەنت ءماجىلىسى اكىمشىلىك قۇقىقبۇزۋشىلىق تۋرالى كودەكسكە بايلانىس ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن ەكىنشى وقىلىمدا ماقۇلدادى. قۇجاتتا اۆتوكولىك جۇرگىزۋشىلەرىنە جازانى قاتاڭداتۋ نورماسى كوزدەلگەن.

زاڭ جوباسى پرەزيدەنت تاپسىرماسىن ىسكە اسىرۋ ءۇشىن اكىمشىلىك جاۋاپكەرشىلىكتى كوزدەي وتىرىپ، بايلانىس جانە ينتەرنەت سالاسىندا تۇتىنۋشىلاردىڭ قۇقىعىن قورعاۋ ماقساتىندا ازىرلەندى.

زاڭناما جانە سوت-قۇقىقتىق رەفورما كوميتەتىنىڭ مۇشەسى ءنازيلا راززاقتىڭ ايتۋىنشا، ۇسىنىلىپ وتىرعان ماڭىزدى تۇزەتۋلەردىڭ ءبىرى اۆتوكولىكتەردىڭ مەملەكەتتىك نومىرىنە قاتىستى.

«اۆتوكولىكتى قايتالاپ نەمەسە بىرنەشە رەت مەملەكەتتىك ءنومىرسىز باسقارعانى ءۇشىن، سونداي-اق اۆتوكولىكتەرگە جالعان نەمەسە قولدان جاسالعان مەملەكەتتىك ءنومىر تاققانى ءۇشىن جاۋاپكەرشىلىكتى كۇشەيتۋ كوزدەلىپ وتىر. مىسالى، بۇرىن تەك ايىپپۇل سالىنسا، ەندى جۇرگىزۋشىنى 1 جىلعا كۋالىگىنەن ايىرۋ جانە 5 تاۋلىككە قاماۋعا الۋ قاراستىرىلىپ وتىر»، دەدى دەپۋتات.

سونداي-اق بايلانىس قىزمەتتەرىن كورسەتۋ ەرەجەلەرىن بۇزعانى ءۇشىن، ياعني ينتەرنەت ساپاسىنا قويىلاتىن بەلگىلەنگەن تالاپتارعا سايكەس كەلمەۋ بويىنشا ايىپپۇل سوماسى ۇلعايادى.