بۇل اۋقىمدى ءىس-شارا يۋنەسكو اياسىندا وتكىزىلىپ، 32 مەملەكەتتەن كەلگەن 53 جاس دەلەگاتتى جينايدى.
2024 جىلدىڭ 13 تامىزىندا ساعات 09:00-دە الماتى قالاسىندا ورنالاسقان UN Plaza عيماراتىندا (بايزاقوۆ كوشەسى 303) قازاقستاننىڭ دۇنيەجۇزىلىك يۋنەسكو كلۋبتارى مەن قاۋىمداستىقتارى فەدەراسياسىندا ءتوراعالىق ەتۋ اياسىندا «ءبىلىم بەرۋدە جاساندى ينتەللەكتتى قولدانۋدىڭ ەتيكاسى» تاقىرىبىندا ءۇشىنشى حالىقارالىق يۋنەسكو مودەلى ءوز جۇمىسىن باستايدى، دەپ حابارلايدى aqshamnews.kz
سوڭعى جەتى جىل ىشىندە يۋنەسكو مودەلى فەدەراسيانىڭ ەڭ ءىرى ءبىلىم بەرۋ جوبالارىنىڭ ءبىرى رەتىندە حالىقارالىق دەڭگەيگە دەيىن كەڭەيىپ، الەمنىڭ تۇكپىر-تۇكپىرىنەن كەلگەن جاستاردىڭ پىكىر الماسۋىنىڭ تۇراقتى الاڭىنا اينالدى.
ءىس - شارانىڭ باستى ماقساتى-يۋنەسكو-نىڭ جاھاندىق سىن-قاتەرلەر مەن قاتىسۋشىلار اراسىنداعى نەگىزگى باسىمدىقتار سالاسىنداعى جۇمىسى تۋرالى ءبىلىمى مەن تۇسىنىگىن تەرەڭدەتۋ.
«ءبىلىم بەرۋدە جاساندى ينتەللەكتتى قولدانۋدىڭ ەتيكاسى» تاقىرىبىنداعى ءۇشىنشى حالىقارالىق يۋنەسكو مودەلى، الماتىداعى يۋنەسكو-نىڭ وڭىرلىك كەڭسەسىمەن بىرلەسىپ كازاقستاندىق ۇلتتىق يۋنەسكو كلۋبتارىنىڭ فەدەراسياسىنىڭ ۇيىمداستىرىلۋىمەن وتەدى. جوبا قازاقستان رەسپۋبليكاسىنىڭ يۋنەسكو جانە يسەسكو ىستەرى جونىندەگى ۇلتتىق كوميسسياسىنىڭ جانە «شىمبۇلاق» تاۋ كۋرورتىنىڭ قولداۋىمەن جۇزەگە اسىرىلۋدا.