ال قازاقستانعا جۇڭگو مەن تۇركيادان كوشىپ كەلەتىندەر سانى ارتتى.
2024 جىلدىڭ ءبىرىنشى جارتىسىندا اسپان استى ەلىنەن 1173 ادام كوشىپ كەلگەن، دەپ حابارلايدى aqshamnews.kz
تۇركيادان 248 ازامات قازاقستانعا كەپ تۇراقتاعان. جالپى 5 مىڭعا جۋىق ادام وزبەكستان، رەسەي، موڭعوليا جانە تۇركىمەنستان ەلدەرىنەن اۋعان. بۇل وتكەن جىلمەن سالىستىرعاندا 4 پايىزعا كوپ. ولاردىڭ 36% ورتا ءبىلىمدى. 22% كاسىبي ماماندار. قاتاردا ەكونوميست، پەداگوگ، دارىگەر جانە اۋىل شارۋاشىلىعى ماماندارى بار.
ال ەلىمىزدەن كەتەتىندەر سانى 0،6 پايىزعا كەمىگەن. بىلتىرعا قاراعاندا 7 مىڭعا از. بيىل كوبىسى ياعني 5 مىڭ قازاقستاندىق رەسەيگە قونىس اۋدارعان. گەرمانياعا - 973، اقش-قا - 191، پولشاعا - 180 ادام كوشكەن. ودان وزگە قىرعىزستان، وزبەكستان، كانادادا قونىستانعاندارى بار. ولاردىڭ ىشىندە 29% ورتا ءبىلىمدى جانە 20% كاسىبي ماماندار. ءبىزدىڭ ەلدەن كوبىنە ارحيتەكتورلار مەن زاڭگەرلەر كەتكەن.