تۋا بىتكەن ومىرتقا انوماليالارى بار قازاقستاندىق بالالار الماتى قالاسىنداعى № 2 قالالىق بالالار كلينيكالىق اۋرۋحاناسىندا جاسالعان بىرەگەي وپەراسيالار ارقىلى تولىققاندى ءومىر ءسۇرۋ مۇمكىندىگىنە يە بولدى. «Spina Bifida - ينتراوپەراسيالىق نەيرومونيتورينگتى قولدانۋ ارقىلى ەمدەۋدىڭ زاماناۋي ادىستەرى» تاقىرىبىنداعى نەيروحيرۋرگيا بويىنشا ماستەر-كلاسس اياسىندا اۋرۋحانانىڭ نەيروحيرۋرگتار توبى نەمىس پروفەسسورى ۋلريح ۆيلگەلم تومالەمەن بىرلەسىپ، جەتى كىشكەنتاي ناۋقاسقا وپەراسيا جاسادى.
بۇل بالالاردىڭ ءارقايسىسى جۇلىننىڭ اۋىر تۋا بىتكەن اقاۋلارىنان، سونىڭ ىشىندە Spina Bifida-نىڭ ەڭ اۋىر ءتۇرى بولىپ سانالاتىن ميەلومەنينگوسەلە اۋرۋىنان زارداپ شەكتى. بۇل جاعدايدا جۇلىن جانە نەرۆتەر ومىرتقاداعى اقاۋ ارقىلى شىعىپ، مەحانيكالىق جانە حيميالىق زاقىمدانۋلارعا اكەلەدى. بۇل كۇردەلى انوماليالار بالالاردىڭ دەنساۋلىعىنىڭ ودان ءارى ناشارلاۋىن بولدىرماۋ ءۇشىن شۇعىل حيرۋرگيالىق ارالاسۋدى قاجەت ەتتى.
وسىنداي پاسيەنتتەردىڭ ءبىرى قىزىلوردا وبلىسىنان كەلگەن كىشكەنتاي ايشا بولدى. اناسى جاينا قىزىن شۇعىل كومەك الۋ ۇمىتىمەن الماتىعا الىپ كەلدى. بىرنەشە جىل بۇرىن ايشادا جۇلىن جارىعى انىقتالىپ، ۋاقىت وتە كەلە بۇل اۋرۋ بالانى سال قىلدى. ول وزدىگىنەن ءجۇرىپ-تۇرا المايتىن جانە قالىپتى ءومىر سۇرە المايتىن بولدى.
«قىزىمدا جۇلىن جارىعى بار. بۇل دياگنوزدىڭ ارتىندا ايشانىڭ قول-اياعىنىڭ ىستەن شىعۋىنا اكەلگەن ءقاۋىپتى اۋرۋ تۇردى. ءبىز بۇل وپەراسيانى ۇلكەن ۇمىتپەن كۇتتىك، «ميلوسەرديە» ەرىكتى قورىنىڭ قولداۋىمەن وسىندا بولۋ مۇمكىندىگىنە يە بولدىق. بارلىق حيرۋرگتەرگە ولاردىڭ ەڭبەكتەرى ءۇشىن ريزامىن. ەندى بىزدە جاڭا ءومىر باستالادى دەپ ۇمىتتەنەمىن»، — دەپ ءبولىستى جاينا.
وسى بىرەگەي وپەراسيالار جۇرگىزىلگەن ماستەر-كلاسستى "Samruk-Kazyna Trust" الەۋمەتتىك جوبالاردى دامىتۋ قورىنىڭ قولداۋىمەن «دوم» قوعامدىق قورى ۇيىمداستىردى.وسى كۇش-جىگەردىڭ ارقاسىندا قازاقستاندىق بالالار ساپالى ءومىر سۇرۋگە مۇمكىندىك الادى، بۇل اسىرەسە وسىنداي اۋىر اۋرۋلارعا شالدىققان كىشكەنتاي ناۋقاستار ءۇشىن وتە ماڭىزدى».
«پروفەسسور ۋلريح تومالەمەن بىرلەسە وتىرىپ، ءبىز Spina Bifida تۋا بىتكەن انوماليالارى بار بالالارعا ءبىرقاتار كۇردەلى وپەراسيالار جۇرگىزدىك. بۇل وپەراسيالار جوعارى دالدىكتى عانا ەمەس، سونىمەن قاتار ۇيلەسىمدى كوماندالىق جۇمىستى قاجەت ەتتى. ەگەر ۋاقىتىندا ارالاسپاسا، نيەۆرولوگيالىق جەتىسپەۋشىلىك تەك كۇشەيە بەرەدى»، — دەپ اتاپ ءوتتى الماتى قالاسىنداعى № 2 قالالىق بالالار كلينيكالىق اۋرۋحاناسىنىڭ ديرەكتورى مارات راباندياروۆ.
ماستەر-كلاسسقا الماتىدان عانا ەمەس، قازاقستاننىڭ باسقا قالالارىنان، سونداي-اق وزبەكستان مەن تاجىكستاننان كەلگەن قاتىسۋشىلار دا جينالدى. دارىگەرلەر كۇردەلى اۋرۋلاردى ەمدەۋدىڭ زاماناۋي ادىستەرىن تالقىلاپ، ءوز تاجىريبەلەرىمەن ءبولىسىپ، بىلىكتىلىكتەرىن ارتتىردى. بۇل، ءسوزسىز، ايماقتاعى مەديسينالىق كومەكتىڭ ساپاسىن ودان ءارى جاقسارتۋعا اسەر ەتەدى.
ءوزىنىڭ تاجىريبەسى مەن بىلىمىمەن بولىسكەن پروفەسسور ۋلريح ۆيلگەلم تومالە قازاقستاندىق ارىپتەستەرىنە كوپ جىلدىق ىنتىماقتاستىق ءۇشىن شىن جۇرەكتەن العىسىن ءبىلدىرىپ، كىشكەنتاي ناۋقاستارعا تەزىرەك ساۋىعىپ كەتۋدى تىلەدى.
بەس كۇندىك ماستەر-كلاسس بارىسىندا نەيروحيرۋرگتەر تەك وپەراسيا جاساپ قانا قويماي، ناۋقاستارعا كەڭەس تە بەردى. بۇل شارا قازاقستانداعى تۋا بىتكەن ومىرتقا انوماليالارى بار بالالارعا مەديسينالىق كومەك كورسەتۋدى دامىتۋداعى ماڭىزدى قادام بولدى.