الماتى 2024 جىلدىڭ ءبىرىنشى جارتىجىلدىعىندا سىبايلاس جەمقورلىقتىڭ الدىن الۋ جانە وعان قارسى ءىس قيمىل رەيتينگىندە ءبىرىنشى ورىندى يەلەندى
الماتى قالاسىنىڭ اكىمى ەربولات دوسايەۆتىڭ توراعالىعىمەن وتكەن سىبايلاس جەمقورلىققا قارسى ءىس-قيمىل ماسەلەلەرى جونىندەگى الماتى قالالىق كوميسسياسىنىڭ كەڭەيتىلگەن وتىرىسىندا قازاقستان رەسپۋبليكاسى سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باسشىسى ارمان راحيموۆتىڭ قاتىسۋىمەن «سىبايلاس جەمقورلىقتىڭ الدىن الۋ جانە وعان قارسى ءىس-قيمىل» ۇلگىلىك بازالىق باعىتىن (ءۇبب) ىسكە اسىرۋ، الەۋمەتتىك ماڭىزى بار ازىق-تۇلىك تاۋارلارىنا باعانى تۇراقتاندىرۋ جانە ءبىلىم بەرۋ سالاسىنداعى جوبالاردى ىسكە اسىرۋ بارىسى ماسەلەلەرى قارالدى.
كەڭەس بارىسىندا اعىمداعى جىلى سىبايلاس جەمقورلىق تاۋەكەلدەرىن ىشكى تالداۋ كەزىندە سىبايلاس جەمقورلىققا ۇشىراعان لاۋازىمداردىڭ تىزىلىمدەرى ازىرلەنگەنى، سونداي-اق تاۋەكەلدەر كارتوگرامماسى وزەكتەندىرىلگەنى ايتىلدى
اكىمدىك سىبايلاس جەمقورلىققا قارسى قىزمەتپەن بىرلەسىپ قابىلداعان شارالاردىڭ ارقاسىندا ءبىرىنشى جارتىجىلدىقتىڭ قورىتىندىسى بويىنشا الماتى «سىبايلاس جەمقورلىقتىڭ الدىن الۋ جانە وعان قارسى ءىس-قيمىل» ءۇبب ءىس-شارالارىن ىسكە اسىرۋ رەيتينگىندە ەلءىمىز بويىنشا ءبىرىنشى ورىندى يەلەندى.
الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋ جونىندەگى شارالار اياسىندا كاسىپكەرلەرگە جەڭىلدەتىلگەن اينالىم زاەمدارىن بەرۋ، سونداي-اق اۋىلشارۋاشىلىعى تاۋارىن وندىرۋشىلەردەن فورۆاردتىق ساتىپ الۋ جالعاسۋدا. سونىمەن قاتار، بەلگىلەنگەن 15 پايىزدىق ساۋدا ۇستەمەسىنىڭ ساقتالۋىنا باقىلاۋ جۇرگىزىلۋدە، ونى ساقتاماعانى ءۇشىن ساۋدا نۇكتەلەرىنىڭ يەلەرىنە 396 اكىمشىلىك حاتتاما جاسالدى، 73 ءتيىمسىز دەلدال ءونىمدى جەتكىزۋ تىزبەگىنەن شىعارىلدى.
ءبىلىم بەرۋ سالاسىنداعى سىبايلاس جەمقورلىقتىڭ الدىن الۋعا ەرەكشە كوڭىل بولىنەدى. سونىمەن، «باقىلايتىن بۋحگالتەريا» اقپاراتتىق جۇيەسى مۇعالىمدەردىڭ ەڭبەكاقىسىن باقىلاۋعا جانە بۋحگالتەرلىك قاتەلىكتەردى بولدىرماۋعا مۇمكىندىك بەرەدى. سونداي-اق، وقۋشىلاردى تەگىن تاماقپەن قامتاماسىز ەتۋدىڭ اشىقتىعىنا باعىتتالعان «سيفرلىق ۆاۋچەرلەر» جوباسىن كەزەڭ-كەزەڭىمەن ەنگىزۋ ماسەلەلەرى قارالدى. بۇدان باسقا، «جايلى مەكتەپ» ۇلتتىق جوباسىنىڭ ىسكە اسىرىلۋ بارىسى ەرەكشە باقىلاۋدا. ءار نىسان بويىنشا اكىم قۇرىلىس جۇمىستارىنىڭ ساپاسىن باقىلاۋدى تاپسىردى.
كەڭەستى قورىتىندىلاي كەلە، مەگاپوليس اكىمى ەربولات دوسايەۆ سىبايلاس جەمقورلىق تاۋەكەلدەرىنىڭ الدىن الۋ بويىنشا جۇمىستى جالعاستىرۋعا نۇسقاۋ بەردى.