"مەيىرىم" مەدالى ديامەترى 45 مم شەڭبەر نىسانىندا جەزدەن جاسالادى.
وقۋ-اعارتۋ مينيسترلىگى "قازاقستان رەسپۋبليكاسى ۇكىمەتىنىڭ قۇرىلىمىنا كىرەتىن كەيبىر مەملەكەتتىك ورگانداردىڭ ۆەدومستۆولىق ناگرادالارى تۋرالى" قازاقستان رەسپۋبليكاسى ۇكىمەتىنىڭ قاۋلىسىنا وزگەرىستەر ازىرلەدى، دەپ حابارلايدى Almaty-akshamy.kz
قاۋلىنىڭ "ۆەدومستۆولىق ناگرادالارمەن ماراپاتتاۋ نەگىزدەمەلەرى» دەگەن بولىمىندە "مەيىرىم – الەمگە ماحابباتپەن" مەدالى" دەگەن ءسوز "مەيىرىم" مەدالى بولىپ وزگەرتىلدى.
"مەيىرىم" مەدالىمەن بالالاردى ادامگەرشىلىك-رۋحاني تاربيەلەۋ جۇيەسىن دامىتۋعا، جاس ۇرپاقتىڭ بويىندا ۇلتتىق قۇندىلىقتاردى قالىپتاستىرۋعا، بالالاردىڭ قۇقىقتارى مەن زاڭدى مۇددەلەرىن قورعاۋ سالاسىن جەتىلدىرۋگە ەلەۋلى ۇلەس قوسقان، سونداي-اق بالالاردىڭ ءال-اۋقاتىنىڭ دەڭگەيىن ارتتىرۋعا، بالالار ءۇشىن قولايلى جاعدايلار جاساۋعا، بالالار ينفراقۇرىلىمىن دامىتۋعا ىقپال ەتەتىن ءبىلىم بەرۋ سالاسىنىڭ قىزمەتكەرلەرى جانە وزگە دە ادامدار ماراپاتتالادى.
"مەيىرىم" مەدالى ديامەترى 45 مم شەڭبەر نىسانىندا جەزدەن جاسالادى. مەدالدىڭ فونى كۇڭگىرتتەلگەن. بەت جاعىندا شەڭبەردىڭ جيەكتەرىندە اق فوندا التىن تۇستەس "مەيىرىم" دەگەن جازۋ ورنالاسقان. جازۋلار نۇكتەلەرمەن بولىنگەن.
شەڭبەردىڭ ورتاسىندا – التىن سارى ءتۇستى شۇعىلالى كۇن ديسكىسى. كۇن ديسكىسىندە تۇمسىعىندا بۇتاق بار تۇركەپتەر بەينەلەنگەن.
سىرتقى جاعىندا "جاس ۇرپاقتىڭ ادامگەرشىلىك جانە رۋحاني تاربيەسىنە قوسقان ۇلەسى ءۇشىن" دەگەن جازۋ ورنالاسقان.
مەدالداعى بارلىق بەينەلەر مەن جازۋلار شىعىڭقى. مەدال قۇلاقشا مەن شىعىرشىق ارقىلى قازاقستان رەسپۋبليكاسىنىڭ مەملەكەتتىك تۋى تۇستەس جىبەك قاتقىل لەنتامەن تىستالعان ەنى 28 مم جانە بيىكتىگى 25 مم تىكبۇرىشتى تاعانعا جالعانادى. قالىپتىڭ تومەنگى جاعىندا ەنى 28،5 مم جانە بيىكتىگى 7،4 مم بەتى جىلتىر جاپسىرما بار.
قۇجات 16 مامىرعا دەيىن تالقىلاۋ ءۇشىن اشىق نقا سايتىندا جاريالاندى.