يكاو ستاندارتتارى مەن ۇسىنىلاتىن پراكتيكا
الماتىدا يكاو اۆياسيالىق قاۋىپسىزدىك جونىندەگى وقۋ ورتالىعىنىڭ بازاسىندا اۆياسيالىق قاۋىپسىزدىك جونىندەگى ۇيلەستىرۋ توبىنىڭ ءبىرىنشى وتىرىسى ءوتىپ جاتىر، دەپ حابارلايدى Almaty-akshamy.kz.
اۆياسيالىق قاۋىپسىزدىك جونىندەگى ۇيلەستىرۋ توبى – قاتىسۋشى مەملەكەتتەرگە يكاو-نىڭ اۆياسيالىق قاۋىپسىزدىك جونىندەگى جاھاندىق جوسپارىنىڭ نەگىزگى باسىمدىقتارىنا قول جەتكىزۋگە جانە يكاو ستاندارتتارى مەن ۇسىنىلاتىن پراكتيكاسىن ساپالى ەنگىزۋگە، ءوزارا اقپارات الماسۋ جانە بىر-بىرىنە قولداۋ كورسەتۋ ارقىلى اۆياسيالىق قاۋىپسىزدىكتىڭ جوعارى دەڭگەيىنە قول جەتكىزۋگە قولداۋ كورسەتۋدىڭ ءتيىمدى تەتىگى ماسەلەلەرى جونىندەگى كەڭەسشى ورگان.
27-28 ساۋىردەگى وتىرىسقا ازەربايجان، گرۋزيا، قىرعىزستان، قازاقستان، وزبەكستان جانە تاجىكستاننىڭ اۆياسيالىق بيلىك وكىلدەرى قاتىسىپ جاتىر. وندا ۇيلەستىرۋ توبىنا مۇشە مەملەكەتتەردىڭ ورتاق ارتىقشىلىقتارىنا قول جەتكىزۋگە باعىتتالعان الەۋەتتى ارتتىرۋ، ءبىرىڭعاي ساياساتتى (جوسپاردى) ازىرلەۋ، ونىڭ ىشىندە ورتالىق ازيا ءوڭىرى مەن كاۆكازدا يكاو ستاندارتتارى مەن ۇسىنىلاتىن پراكتيكاسىن ءتيىمدى جانە ۋاقتىلى ەنگىزۋ، اۆياسيالىق قاۋىپسىزدىك جونىندەگى ۇيلەستىرۋ توبىنىڭ ءتوراعاسىن، تەڭ ءتوراعاسىن جانە حاتشىسىن سايلاۋ ماسەلەلەرى قارالدى. سونداي-اق، اۆياسيالىق قاۋىپسىزدىك جونىندەگى ۇيلەستىرۋ توبىنىڭ ەرەجەسى بەكىتىلەدى.
بۇل ءىس-شارا – ورتالىق ازيا ءوڭىرى مەن كاۆكاز ەلدەرىنىڭ قازاقستاننىڭ باستاماسىمەن جاڭا قاۋىپ-قاتەرلەرگە باعىتتالعان ەكىنشى كەزدەسۋى. اۆياسيالىق قاۋىپسىزدىك بويىنشا جۇرگىزىلىپ جاتقان جۇمىستار اقش-قا تىكەلەي رەيستەردىڭ اشىلۋىنا دا ىقپال ەتەدى.
ۇيلەستىرۋ توبى يكاو اۆياسيالىق قاۋىپسىزدىگىن قامتاماسىز ەتۋدىڭ جاھاندىق جوسپارى اياسىندا ازاماتتىق اۆياسيانى زاڭسىز ارالاسۋ اكتىلەرىنەن قورعاۋ جۇيەسىن جاقسارتۋ باعىتىندا قاتىسۋشى ەلدەردىڭ اۆياسيالىق اكىمشىلىكتەرى اراسىنداعى جاقسى قارىم-قاتىناس پەن ىنتىماقتاستىقتى دامىتۋعا ىقپال ەتەتىن تاعى ءبىر قادام بولادى.
ايتا كەتسەك، اۆياسيالىق قاۋىپسىزدىك جونىندەگى ۇيلەستىرۋ توبىنىڭ ءتوراعاسى بولىپ ق ر ييدم ازاماتتىق اۆياسيا كوميتەتىنىڭ ءتوراعاسى تالعات لاستايەۆ سايلاندى.