ەل پرەزيدەنتى كاسىم-جومارت كەمەل ۇلى توقايەۆتىڭ سۇحباتىندا ەلىمىزدىڭ ستراتەگيالىق دامۋىنداعى ءبىلىمنىڭ ماڭىزى ەرەكشە ايتىلدى. ياعني ءبىلىم بەرۋ ەكونوميكامىزدىڭ، عىلىمي زەرتتەۋلەر مەن الەۋمەتتىك سالا دامۋىنىڭ ىرگەتاسى ەكەنىن اتاپ ءوتتى. سوندىقتان ءبىلىم بەرۋ سالاسىنىڭ دامۋىنا باعىتتالعان ۇسىنىستار وتە ورىندى ايتىلدى. وسى ورايدا، ءبىزدىڭ نۇر-مۇباراك ۋنيۆەرسيتەتى ءدىني ماماندار دايارلايتىن ەلىمىزدەگى جالعىز يسلامي وقۋ ورداسى ەكەنىن ەسكەرسەك، ءبىز جوعارى ءبىلىم بەرۋ جۇيەسىن جەتىلدىرۋدىڭ ماڭىزدىلىعىن تۇسىنەمىز جانە وسى باعىتتاعى جاڭا مۇمكىندىكتەردى پايدالانۋعا اشىقپىز. ينفراقۇرىلىمدى دامىتۋ جانە ستۋدەنتتەر مەن وقىتۋشىلارعا قولداۋ كورسەتۋ ارقىلى ءبىز ءبىلىم بەرۋ ساپاسىن ارتتىرۋعا ەرەكشە ءمان بەرۋدەمىز.
پرەزيدەنتىمىز الەمدىك ەڭبەك نارىعىندا باسەكەگە قابىلەتتى بىلىكتى مامانداردى دايارلاۋدىڭ ماڭىزدىلىعىن ەرەكشە اتاپ ءوتتى. تەحنيكالىق جانە كاسىپتىك ءبىلىم بەرۋدى دامىتۋعا، سونداي-اق جاس عالىمدار مەن يننوۆاسيالىق جوبالاردى قولداۋعا نازار اۋداردى. بۇل بىزگە دە قاتىستى. ءبىز پرەزيدەنت كاسىم-جومارت توقايەۆتىڭ ءبىلىم بەرۋ سالاسىن دامىتۋعا باعىتتالعان ۇسىنىستارىنا قولداۋ بىلدىرۋمەن قاتار، ءارى قاراي وسى سالاداعى وزەكتى ماسەلەلەرگە نازار اۋدارعىم كەلەدى. ءبىزدىڭ ۋنيۆەرسيتەتتىڭ دە ماقساتى – ءبىلىم بەرۋدىڭ جاڭا ستاندارتتارىن قالىپتاستىرۋ ارقىلى الەمدىك دەڭگەيدەگى ءبىلىم بەرۋ جۇيەسىندە ۇلەستى بولۋ. ءبىز جاڭا تەحنولوگيالاردى بەلسەندى تۇردە پايدالانۋ ارقىلى وقىتۋ پروسەسىن جاڭعىرتۋدى قالايمىز. سونىمەن قاتار، ستۋدەنتتەردىڭ جانە وقىتۋشىلاردىڭ زەرتتەۋ جانە الەۋمەتتىك جوبالارعا قاتىسۋ مۇمكىندىكتەرىن كەڭەيتۋگە باسا نازار اۋدارامىز.
ءبىزدىڭ ۋنيۆەرسيتەت قازىرگى زامانعى قوعامنىڭ قاجەتتىلىكتەرىنە ساي ءبىلىم بەرۋدىڭ جاڭا مودەلدەرىن قالىپتاستىرۋعا ءمان بەرۋدە. ءبىز بولاشاق مامانداردىڭ جاھاندىق كەزەڭدە باسەكەگە قابىلەتتى بولۋىن قامتاماسىز ەتۋ ءۇشىن ءبىلىم بەرۋ باعدارلامالارىن ۇنەمى جەتىلدىرۋگەن ءمان بەرەمىز. سونداي-اق ستۋدەنتتەردىڭ جان-جاقتىلىعى مەن شىعارماشىلىق جانە جەكە قابىلەتتەرىن دامىتۋعا باعىتتالعان ءارتۇرلى باعدارلامالاردى قولداۋعا ۇمتىلامىز.
وسى ورايدا، پرەزيدەنتتىڭ ءبىلىم بەرۋ سالاسىنداعى باستامالارى ءبىزدىڭ ۋنيۆەرسيتەتتىڭ ستراتەگيالىق ماقساتتارىمەن تىعىز بايلانىستى ەكەنىن اتاپ وتكىم كەلەدى. ءبىز ءاربىر ستۋدەنتتىڭ ءبىلىم الۋعا دەگەن قۇقىعىن قۇرمەتتەي وتىرىپ، ساپالى جانە قولجەتىمدى ءبىلىم بەرۋدى ۇسىنۋعا باعىتتالعان جۇمىستى جالعاستىرامىز.