قازاقتىڭ بۇلب ۇلى، كسرو جانە قازاقستاننىڭ حالىق ءارتىسى، سۇيىكتى وپەرا ونەرىنىڭ ساڭلاعى بيبىگۇل تولەگەنوۆا بارشا قازاقستاندىقتاردى تاۋەلسىزدىك مەرەكەسىمەن شىن جۇرەكتەن قۇتتىقتادى. اتاقتى ءانشى حالقىنا اق تىلەگىن ارناپ، ەلىمىزگە بەيبىت ءومىر مەن جارقىن بولاشاق تىلەدى.
– "ەلىمىز امان، جۇرتىمىز تىنىش بولعاي! مەملەكەتىمىزدىڭ تاۋەلسىزدىك كۇنىمەن قۇتتىقتاي وتىرىپ، بارشاڭىزعا زور دەنساۋلىق، ۇزاق ءومىر تىلەيمىن! جاۋعان اپپاق قارداي كوڭىل تىلەيمىن. ىشتەگى، سىرتتاعى جاۋدان ساقتاسىن. كەلەسى مەرەكەلەردى امان-ەسەن قارسى الۋ بۇيىرسىن. كەلە جاتقان جاڭا جىل دا قۇتتى بولسىن!" – دەپ جۇرەكجاردى تىلەگىن جەتكىزدى حالىق ءارتىسى.
بۇگىنگى ايتۋلى مەرەكە قازاق حالقى ءۇشىن ەرەكشە كۇن ەكەنى ءسوزسىز. سونىمەن بىرگە، بۇل كۇن بيبىگۇل احمەت قىزىنىڭ 95 جاسقا تولۋىمەن دە ەرەكشە ۇيلەسىپ وتىر. سۇيىكتى ونەر قايراتكەرىنىڭ عۇمىر جاسى ۇزاق بولسىن، حالقىمىزدىڭ مادەني مۇراسىنىڭ جارقىن بەينەسى بولىپ قالا بەرەرى انىق!