قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى، قازاقستاننىڭ ەڭبەك ەرى ءاسانالى ءاشىم ۇلى قازاق ەلىن تاۋەلسىزدىك مەرەكەسىمەن قۇتتىقتاپ، جۇرەكجاردى تىلەگىن ارنادى.
«33 جىل دەگەنىڭىز ونشا كوپ سان ەمەس، ءبىراق ماڭىزى وتە ۇلكەن. ەلىمىز ەشكىمگە تاۋەلدى بولماي، دەربەس، ۇلكەن مەملەكەت بولعانىمىز – حالىقتىڭ باقىتى! بىزگە وسى تاۋەلسىزدىكتى ۇستاپ تۇرۋ – ەڭ باستى مىندەت. سول ءۇشىن ءارقايسىمىز ءوز ورنىمىزدا ايانباي ەڭبەك ەتۋىمىز كەرەك»، – دەيدى اكتەر.
ءاسانالى ءاشىم ۇلى بۇگىنگى كۇننىڭ باستى قۇندىلىقتارىن اتاپ ءوتتى:
«قازىرگى جاعدايدا تۇرمىسىمىز جاقسى، بەيبىت ءومىر ءسۇرىپ جاتىرمىز. ەندى اركىم وزىنەن ارتىلعانىن ورتاق ىسكە، حالىقتىڭ يگىلىگىنە ارناسا، ۇلكەن قورىمىز تولىعا تۇسەدى. بۇل – ءبىزدىڭ بولاشاققا قوسقان ۇلەسىمىز».
ۇلتتىڭ ماقتانىشىنا اينالعان ءاسانالى ءاشىم ۇلى ەل تاۋەلسىزدىگىن ساقتاۋ مەن نىعايتۋ جولىندا بىرلىك پەن ەڭبەك قاجەتتىگىن ەرەكشە اتاپ ءوتتى