ءبىز ءوز وتانىمىزدىڭ گۇلدەنۋى ءۇشىن بار كۇش-جىگەرىمىزدى سالىپ، بىلەكتى سىبانىپ قىزمەت ەتە بەرۋىمىز كەرەك. حالىق دانالىعى «ساۋساق بىرىكپەي، ينە ىلىكپەيدى» دەيدى. راسىندا، ءاربىر ادام ءوز سالاسىنىڭ شەبەرىنە اينالىپ، ورتاق وتاننىڭ گۇلدەنۋى ءۇشىن ايانباي ەڭبەك ەتۋى قاجەت.
قازاقستاندا قانشاما ۇلت پەن ۇلىس ءتاتۋ-تاتتى عۇمىر كەشىپ جاتىر. ءبارى ءبىر اتانىڭ بالاسىنداي، ءبىر قولدىڭ سالاسىنداي ءومىر ءسۇرىپ كەلەدى. ەندەشە، قاراشاڭىراق – تۋعان ەلىمىزدىڭ ودان ءارى وركەندەۋى ءسىز بەن بىزگە قاجەت. «بىرلىك بار جەردە – تىرلىك بار» دەگەن ناقىل ءسوز بەكەر ايتىلماعان.
ەڭ نەگىزگى مەيرام – تاۋەلسىزدىك كۇنى، ازاتتىق تاڭى ارايلاپ اتقان كۇن، ەلدىڭ دەربەستىككە قول جەتكىزگەن كۇنى بارشاڭىزعا قۇتتى، قايىرلى بولسىن!