ددۇ وكىلدەرىنىڭ پىكىرىنشە، جاھان جۇرتىنىڭ 70 %-ى ۆاكسينا سالدىرۋ قاجەت. سوندا عانا COVID-19 پاندەمياسىن اۋىزدىقتاي الادى ەكەنبىز.
الماتىدا كۆي احۋال ءالى دە تۇراقتالا قويعان جوق. حالىقتىڭ ءبىرشاماسى ەكپە قابىلداۋدا. ءبىرقاتارى ءالى دە بولسا ۇركە قاراۋدا. جاپپاي ۆاكسينا العان كەزدە ىندەتتىڭ بەتىن قايتاراتىنىمىز انىق.
پسيحولوگ ساقىپجامال سابىروۆانىڭ ويى دا وسىعان سايادى. «ءقازىر عالامتوردا فەيك اقپارات كوپ. نەشە ءتۇرلى بەينەروليك، جازبالاردان كوز سۇرىنەدى. ونىڭ ءبارى كەرىتارتپا ۇگىت. دالىرەگى، ادام جانى تەرىس دۇنيەگە اۋەستەۋ كەلەدى. ياعني ءبىر نارسەنى جاقسى ەتۋدەن گورى، ونىڭ ەكىنشى قىرىن ايتساڭىز، ەلەڭ ەتەدى. شارتتى رەفلەكس تەز ويانادى. سوندىقتان بۇكىلالەمدىك كوروناۆيرۋستان قۇتىلۋدىڭ توتە جولى بىرەۋ عانا. ول – ۆاكسينا ەكەنىن تۇسىنگەن ابزال. سونىمەن قاتار، ەكپە قابىلدادىم ەكەن دەپ، سانيتارلىق رەجيمدى ساقتاماۋعا بولمايدى. پسيحولوگيادا ەرتە شاتتانۋ ۇعىمى بار. سول سەبەپتى بەتپەردەنى شەشىپ تاستاپ جۇرمەڭىز. ءوز ساۋلىعىڭىز ءوز قولىڭىزدا»، – دەيدى مامان.
بەتپەردە ءسىز جۇتاتىن اۋاعا – سۇزگى. ناقتىراق ايتقاندا، ونى دا تازا ۇستاۋ قاجەت. ەڭ نەگىزگىسى – بارلىق كارانتيندىك تالاپتاردى قاتاڭ ساقتاۋ ماڭىزدى.