ءبىزدىڭ ءتىلشىمىز شاحماتتان وتكەن جارىستا جەڭدى
جەڭىس قۇتتى بولسىن!
شاحماتتان قازاقستان ب ا ق اراسىندا III كۋبوكتا ءبىرىنشى ورىندى "ۆەچەرنيي الماتى" گازەتىنىڭ ۇجىمى يەلەندى، دەپ حابارلادى Almaty-akshamy.kz.
بۇقارالىق اقپارات قۇرالدارى قىزمەتكەرلەرى كۇنىنە ورايلاستىرىلعان ءىس-شارا ويىن Lichess.org پلاتفورماسىندا ءوتتى. ونى Air Astana اۋە كومپانياسى مەن قازاقستان شاحمات فەدەراسياسىنىڭ قولداۋىمەن ۇيىمداستىردى.
"ۆەچەرنيي الماتى" گازەتىنىڭ ءتىلشىسى ساياحات بورانبايەۆ شاحماتتان قازاقستان ب ا ق اراسىندا III كۋبوكتا ءبىرىنشى ورىندى يەلەندى. جەڭىسكە جەتكەنى ءۇشىن وعان الماتى-دۋباي-الماتى باعىتى بويىنشا 2 ادامعا ەكونوم-كلاسس بيلەتتەرى تابىس ەتىلدى.
جەڭىمپازدان كەيىن بىردەن ChessNews_Mulkubaev، DrOmar، bilimainasy_Yakhiya لاقاپ اتتارىمەن ويىنشىلار ورنالاستى. بەسىنشى ورىندا "الاتاۋ اقپارات" مەدياحولدينگىنىڭ تاعى ءبىر وكىلى، "ۆەچەرنيي الماتى" سايتىنىڭ ءتىلشىسى تولقىن ءتاشىموۆ تۇر.
توپ-10-عا QazaQstan_Mukashev، aikyn_bekov، Almas_Kozhemzharov، Khabar_Begalimov جانە TengeMonitor_Kumar لاقاپ اتتارىمەن ويىنشىلار كىردى.
ەكىنشى ورىن جۇلدەگەرىنە الماتى-تبيليسي-الماتى باعىتى بويىنشا 2 ادامعا ەكونوم-كلاسس بيلەتتەرى تابىستالدى.
3 ورىن جۇلدەگەرىنە – الماتى-نۇر-سۇلتان-الماتى باعىتى بويىنشا 2 ادامعا ەكونوم-كلاسس بيلەتتەرى.
ايەلدەر اراسىنداعى ۇزدىك ناتيجە ءۇشىن سىيلىق – بيزنەس-كلاسس جامىلعىسى.
ەڭ ادەمى پارتيا ءۇشىن سىيلىققا ۇشاق مودەلى بەرىلدى.