الماتى وبلىسىنداعى تاسجولدا ادام ولىمىمەن اياقتالعان جول-كولىك وقيعاسى بولدى، - دەپ حابارلايدى اqshamnews.kz ءتىلشىسى.
الماتى وبلىستىق پوليسيا دەپارتامەنتىنىڭ باسپا ءسوز قىزمەتىنىڭ دەرەگىنشە، اپات «الماتى – وسكەمەن» اۆتوجولىنىڭ 94-شاقىرىمىندا بولعان.
«الدىن الا مالىمەت بويىنشا، Changan ماركالى اۆتوكولىك جۇرگىزۋشىسى رولگە يە بولا الماي، ءبىر باعىتتا كەلە جاتقان جۇك كولىگىنىڭ تىركەمەسىنە سوقتىعىسقان. سوققىدان كەيىن جەڭىل كولىك ينەرسيامەن جول جيەگىندەگى قورشاۋعا سوعىلعان. ارتىنشا Toyota Estima كولىگى Changan-مەن سوقتىعىسىپ، كەيىن ينەرسيامەن جول جيەگىندە تۇرعان تىركەمەگە بارىپ سوعىلعان"، - دەلىنگەن حابارلامادا.
سونىمەن قاتار سوققىنىڭ قاتتى بولعانى سونشالىق، Changan اۆتوكولىگىنىڭ قوزعالتقىشى قارسى باعىتقا ۇشىپ بارىپ، ول جاقتا كەلە جاتقان Ford Focus كولىگىمەن جاناسقان.
جول اپاتى سالدارىنان Changan كولىگىندەگى ەكى جولاۋشى وقيعا ورنىندا كوز جۇمدى. اتالعان اۆتوكولىكتىڭ جۇرگىزۋشىسى جانە Toyota Estima جۇرگىزۋشىسى ءتۇرلى جاراقاتتارمەن اۋرۋحاناعا جەتكىزىلدى.
پوليسيا قىزمەتكەرلەرى قىلمىستىق ءىس قوزعاپ، بولعان وقيعانىڭ بارلىق ءمان-جايىن انىقتاۋ ءۇشىن جان-جاقتى تەرگەۋ جۇرگىزىپ جاتىر.