اۋداندىق ۆەتەريناريا ماماندارى مەن اۋىل تۇرعىنى اقپاراتتىق جۇيەدە شىن مانىندە جوق شامامەن 100 مىڭ باس ۇساق مالدى تىركەپ، 271 ملن تەڭگە سۋبسيديانى جىمقىرعان، - دەپ حابارلايدى اqshamnews.kz/kz ءتىلشىسى. بۇل تۋرالى باس پروكۋراتۋرانىڭ باسپا ءسوز قىزمەتى حابارلادى.
قاداعالاۋ ورگانىنىڭ مالىمەتىنشە، ۆەتەرينارلىق قىزمەتتىڭ ءتورت قىزمەتكەرى جەرگىلىكتى تۇرعىنمەن ءسوز بايلاسىپ، بىرنەشە شارۋا قوجالىعىنىڭ اتىنا جالعان مال ەنگىزگەن. سونىڭ ناتيجەسىندە ولار بيۋدجەتتەن جۇزدەگەن ميلليون تەڭگەنى زاڭسىز شىعارىپ، قاراجاتتى ءوزارا بولىسكەن.
تۇركىستان قالالىق سوتى بەس ادامدى الاياقتىق پەن قۇجاتتاردى قولدان جاساۋ بويىنشا كىنالى دەپ تانىدى. تورتەۋىنە 5،2 جىلعا باس بوستاندىعىنان ايىرۋ جازاسى تاعايىندالدى. تاعى بىرەۋىنە بوستاندىقتى شەكتەۋ جازاسى بەرىلگەنىمەن، كەيىن وعان قاتىستى ءىس راقىمشىلىق اكتىسىنە بايلانىستى توقتاتىلدى.
مەملەكەت پايداسىنا 50 ملن تەڭگە ءوندىرىلىپ، قۇنى 120 ملن تەڭگەگە باعالاناتىن مۇلىككە تىيىم سالىندى. پروكۋراتۋرا سۋبسيديا قارجىسىن جىمقىرۋ ءۇشىن 10 جىلعا دەيىن باس بوستاندىعىنان ايىرۋ جازاسى قاراستىرىلعانىن ەسكە سالدى.