استانا تۇرعىنى قىلمىستىق ىستەر جونىندەگى اۋدانارالىق سوتىنىڭ ۇكىمىمەن 7 جىلعا سوتتالدى. ول سونداي-اق 5 جىل كوممەرسيالىق ۇيىمداردا ماتەريالدى-جاۋاپتى لاۋازىم اتقارا المايدى. وعان قك 189-بابى 4-بولىگىنىڭ 2-تارماعىمەن ايىپ تاعىلعان ەدى، دەپ حابارلايدى اlmaty-akshamy.kz.
ك. سەرىكتەستىكتە IT مامان رەتىندە جۇمىس ىستەگەن جانە ماتەريالدارعا جاۋاپتى ادام بولعان.
ءسويتىپ وزىنە سەنىپ تاپسىرىلعان قۇنى 57 ملن تەڭگەدەن اساتىن ۇيىمداستىرۋ تەحنيكاسىن تالان-تاراجعا سالىپ، ودان تۇسكەن اقشانى بۋكمەكەرلىك كەڭسەلەرگە جۇمساپ جىبەرگەن.
سوتتالۋشى اپەللياسيالىق شاعىم بەرىپ، تاعايىندالعان جازانى جەڭىلدەتۋدى سۇرادى.
استانا قالالىق سوتىنىڭ قىلمىستىق ىستەر جونىندەگى سوت القاسى ك-نىڭ وزىنە سەنىپ تاپسىرىلعان مۇلىكتى تالان-تاراجعا سالعانى دالەلدەنگەنىن جانە جازانىڭ كىنالى ادامنىڭ جەكە باسىنا جانە تۋىنداعان زارداپتارعا سايكەستىگىن ەسكەرە كەلە ۇكىمدى وزگەرىسسىز قالدىردى.
سوتتالۋشى كومپانياعا كەلگەن زالالدى وتەگەن جوق.
ۇكىم زاڭدى كۇشىنە ەندى.