المالى اۋدانى مۇقانوۆ كوشەسىندە بولعان موپەد ۇرلىعىنا قاتىستى 1993 جىلى تۋعان ر.ەسىمدى ازامات كۇدىككە ءىلىندى.
ونىڭ ارەكەتى بەينەباقىلاۋ كامەرالارىنا ءتۇسىپ قالعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
«جەدەل-ىزدەستىرۋ شارالارى بارىسىندا كۇدىكتى ۇستالدى. ول قىلمىستى جاساعانىن مويىندادى. اتالعان دەرەك بويىنشا ق ر قك-نىڭ 188-بابىنا سايكەس قىلمىستىق ءىس تەرگەلىپ جاتىر. قاسكوي موپەدتى الۋ ءۇشىن ونى وزىنىكىندەي ەتىپ كورسەتىپ، ءوتىپ بارا جاتقان ادامنان كومەك سۇراعان. ۇستالعاننىڭ موينىندا بۇدان دا كوپ ۇرلىق بولۋى مۇمكىن دەۋگە نەگىز بار. ونىڭ جەكە باسى باسقا دا ىقتيمال قىلمىستارعا قاتىسى بار-جوعىنا تەكسەرىلۋدە»، – دەدى المالى اۋداندىق پوليسيا باسقارماسىنىڭ باستىعى ولجاس ءشارىپوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.