ەلىمىزدىڭ 5 وڭىرىندە سۇيىتىلعان گاز باعاسىن قىمباتتاتۋ تۋرالى باسەكەلەستىكتى قورعاۋ جانە دامىتۋ اگەنتتىگى ءتوراعاسىنىڭ بۇيرىعى كۇشىنە ەندى، دەپ حابارلايدى Almaty-akshamy.kz.
قازاقپارات تاراتقان مالىمەت بويىنشا، قۇجاتقا ساي، ەندى وبلىستاردا سۇيىتىلعان مۇناي گازىنا مىنا باعا بەكىتىلدى:
- الماتى قالاسى – 65 تەڭگەدەن 75 تەڭگەگە دەيىن؛
- الماتى وبلىسى – 70 تەڭگەدەن 75 تەڭگەگە دەيىن. ال وبلىس ورتالىعىنان 200 شاقىرىم قاشىقتىقتاعى ەلدى مەكەندەردە 75 تەڭگەدەن 80 تەڭگەگە دەيىن قىمباتتايدى؛
- شىعىس قازاقستان وبلىسى – 60 تەڭگەدەن 70 تەڭگەگە دەيىن. ال وبلىس ورتالىعىنان 200 شاقىرىم قاشىقتىقتاعى ەلدى مەكەندەردە 65 تەڭگەدەن 75 تەڭگەگە دەيىن قىمباتتايدى؛
- سولتۇستىك قازاقستان وبلىسى - 70 تەڭگەدەن 75 تەڭگەگە دەيىن. ال وبلىس ورتالىعىنان 200 شاقىرىم قاشىقتىقتاعى ەلدى مەكەندەردە 75 تەڭگەدەن 80 تەڭگەگە دەيىن قىمباتتايدى؛
- اباي وبلىسى - 60 تەڭگەدەن 65 تەڭگەگە دەيىن. ال وبلىس ورتالىعىنان 200 شاقىرىم قاشىقتىقتاعى ەلدى مەكەندەردە 65 تەڭگەدەن 70 تەڭگەگە دەيىن قىمباتتايدى.
«قازاقستاندىق وتىن قاۋىمداستىعىنىڭ جانە نارىق سۋبەكتىلەرىنىڭ كولىك قىزمەتتەرىنە شىعىنداردىڭ ۇلعايۋى، سۇيىتىلعان مۇناي گازىن (سمگ) ءبىرقاتار وبلىستاردا وتكىزۋ كەزىندە شەكتى باعانى كوتەرۋ قاجەتتىگى تۋرالى (5-تەن 10 تەڭگە شەگىندە) ءوتىنىشىن ەسكەرە وتىرىپ، شىعىس قازاقستان، اباي، الماتى، سولتۇستىك قازاقستان وبلىستارى مەن الماتى قالاسىندا سۇيىتىلعان مۇناي گازىن بولشەك ساۋدادا ساتۋ باعاسىن وزگەرتۋ ۇسىنىلادى. بۇل رەتتە، قازاقستاننىڭ قالعان وڭىرلەرىندە سمگ-نىڭ بولشەك ساۋدادا وتكىزۋگە شەكتى باعالاردى وزگەرتۋ جوسپارلانبايدى»، - دەپ تۇسىندىرمە بەرىلگەن بۇيرىققا.