بۇگىن – قازاق فۋتبولىنىڭ «تۋعان كۇنى».
2003 جىلى قفف اتقارۋ كوميتەتى قازاق فۋتبولىنىڭ 90 جىلدىق مەرەيتويىن اتاپ ءوتۋ ءۇشىن 25 ءساۋىردى اياقدوبىمىزدىڭ تۋعان كۇنى ەتىپ بەكىتكەن. 2002 جىلعى 25 ساۋىردە قازاقستان رەسمي تۇردە ۋەفا قۇرامىنا قابىلدانعان بولاتىن. سودان بەرى قازاق جەرىندە 25 ءساۋىر «فۋتبولىمىزدىڭ تۋعان كۇنى» بولىپ ەسەپتەلەدى. نەگىزى، قازاق جەرىندە فۋتبول ونەرىنىڭ رەسمي تۇردە باستاۋ العان ناقتى ۋاقىتى 1913 جىل بولىپ سانالادى.
بۇگىندە وتاندىق اياق دوپشىلاردىڭ اياق الىسى جامان ەمەس. ەل نامىسىن الەمدىك دەڭگەيدەگى ماچتاردا ابىرويمەن كوتەرىپ ءجۇر. كۇللى الەم كوز تىگەتىن فۋتبول ويىنىنا قىزىعاتىندار قاتارى ەلىمىزدە دە كوبەيىپ كەلەدى.
باستىسى، قازاق فۋتبولىنىڭ بولاشاعىنا دەگەن سەنىم دە نىعايىپ كەلەدى.
ەستەرىڭىزگە سالا كەتەيىك، ءقازىر فۋتبولدان پرەمەر-ليگا كوماندالارى اراسىنداعى ەل بىرىنشىلىگى تۋرلارى وتۋدە. وتكەن دەمالىس كۇنى الماتىلىق "قايرات" كومانداسى ءوز الاڭىندا شىمكەنتتىڭ "ورداباسى"-مەن كەزدەستى. تارتىستى ويىندى تاماشالاۋ ءۇشىن الماتى ستاديونىنا 10 مىڭنان استام جينالدى. وسىعان قاراپ، وتاندىق اياقدوپشىلاردى قولدايتىن فۋتبول جانكۇيەرلەرىنىڭ قاتارى دا قالىڭداپ كەلە جاتقانىن بىلۋگە بولادى.
"قايراتتىڭ" كەلەسى ويىنى قوستانايدىڭ "توبىلىمەن" 6 مامىردا قوستانايدا وتەدى. وتاندىق سپورتتى قولداپ، ماچتاردان قالماۋعا تىرىسايىق!