ىىم-دە “اۆتوبۋس” رەسپۋبليكالىق وپەراسياسىنىڭ قورىتىندىسى شىعارىلدى.
ءىس-شارانىڭ ماقساتى – جولاۋشىلار مەن باگاجدى تاسىمالداۋمەن اينالىساتىن جۇرگىزۋشىلەردىڭ كولىكتىك ءتارتىبىن ارتتىرۋ، زاڭسىز جۇمىس ىستەيتىن ادامدارعا قاتىستى باقىلاۋدى كۇشەيتۋ. ەلىمىزدە بەس كۇندە كۇندە پوليسەيلەر جول قوزعالىسىن قاداعالاۋ كەزىندە قوعامدىق كولىك جۇرگىزۋشىلەرى جاساعان 5470 جول قوزعالىسى ەرەجەسىن بۇزۋشىلىقتى انىقتادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ونىڭ ىشىندە الكوگولدىك ماساڭ كۇيدە كولىكتى باسقارۋدىڭ 10 فاكتىسى تىركەلدى. مىسالى، پەتروپاۆلدا پاترۋلدىك پوليسيا باتالونىنىڭ قىزمەتكەرلەرى Volkswagen Transporter كولىگىن توقتاتتى. تەكسەرۋ كەزىندە پوليسەيلەر ميكرواۆتوبۋس جۇرگىزۋشىسىنىڭ ماس كۇيىندە ەكەنىن انىقتادى. مۇنى مەديسينالىق كۋالاندىرۋ اكتىسى راستادى. كولىك ارنايى اۆتوتۇراققا جىبەرىلدى.
اقمولا وبلىسىندا دا وسىنداي جاعداي بولدى. وپەراسيا بارىسىندا پوليسيا قىزمەتكەرلەرى جاقسى – ەسىل – بۋزۋلۋك اۆتوجولدارىنا قوستاناي تۇرعىنىنىڭ باسقارۋىمەن Toyota Alphard اۆتوكولىگىن توقتاتتى. ءىس جۇرگىزۋ بارىسىندا پوليسەيلەر جۇرگىزۋشىنىڭ جولاۋشىلاردى جەكە تاسىمالداۋمەن زاڭسىز اينالىسقانىن انىقتادى. سونىمەن قاتار ەر ادام ماريحۋانا ەسىرتكىسىن قولدانىپ، سالوندا بولعان بەس جولاۋشىنىڭ ومىرىنە ءقاۋىپ ءتوندىردى. ءتارتىپ بۇزۋشىلارعا قاتىستى پوليسيا قىزمەتكەرلەرى ءتيىستى اكىمشىلىك حاتتامالار جاسادى.
بۇدان بولەك، قارسى جولاققا شىعۋدىڭ 7 دەرەگى، ەڭبەك جانە دەمالىس رەجيمىن بۇزۋعا قاتىستى – 29، مىندەتتى ساقتاندىرۋ تۋرالى زاڭنامانى بۇزۋدىڭ – 351، رەيس الدىنداعى تەكسەرۋدەن وتپەۋدىڭ – 123، تەحنيكالىق بايقاۋدان وتپەۋدىڭ – 799، جىلدامدىقتى ارتتىرۋدىڭ – 174، تەلەفوندى پايدالانۋدىڭ – 1357، 1445 – مانيەۆر جاساۋ ەرەجەلەرىن بۇزۋ، 174 – لاستاۋشى زاتتار شىعارىندىلارىنىڭ نورمالارىنان اسىپ كەتۋ، 498 – جولاۋشىلاردى، باگاجدى جانە جۇكتەردى تاسىمالداۋ قاعيدالارىن بۇزۋ، جولاۋشىلاردى زاڭسىز تاسىمالداۋدىڭ 112 فاكتىسى تىركەلدى، ونىڭ ىشىندە 100ء-ى تاكسي جۇرگىزۋشىلەرى بولعان. سونداي-اق وپەراسيا كەزىندە ءتارتىپ ساقشىلارى جول قاۋىپسىزدىگى تالاپتارىنا ساي كەلمەيتىن 23 رۇقسات ەتىلمەگەن اۆتوتۇراقتى جاۋىپ، 4 مىڭعا جۋىق قوعامدىق كولىكتى تەكسەرىپ، 371 زاڭسىز تۇرلەندىرىلگەن اۆتوبۋستى انىقتادى.
اۆتوبۋس پاركتەرىنىڭ 112 لاۋازىمدى تۇلعاسى اكىمشىلىك جاۋاپكەرشىلىككە تارتىلدى.
ايتا كەتەيىك، “اۆتوبۋس” پروفيلاكتيكالىق ءىس-شاراسىن وتكىزۋگە 9 مىڭنان استام پوليسيا قىزمەتكەرى، سونداي-اق جەرگىلىكتى اتقارۋشى ورگانداردىڭ وكىلدەرى مەن جۇرتشىلىق جۇمىلدىرىلدى.